Búgin Nur-Sultan qalalyq jedel járdem qyzmeti 17 jańa reanımobıl kiltin aldy, dep habarlaıdy Egemen.kz.
Mashınalarda barlyq qajetti jabdyqtar bar, bul shaqyrylǵan jerde de, naýqasty aýrýhanaǵa jetkizgende de qarqyndy terapııa júrgizýge múmkindik beredi. Elorda ákiminiń orynbasary Baqtııar Máken QJMJS qyzmetkerlerin kele jatqan Jańa jylmen quttyqtap, jumystaryna alǵys aıtty.
«Memleket basshysynyń tapsyrmasy boıynsha halyqqa sapaly jáne tıimdi qyzmet kórsetý úshin jedel járdem kólikterin jańartý jumystary júrgizildi. Biz bul mindetti oryndadyq. О́tken jyly jergilikti bıýdjetten qarjylandyrý esebinen 52 avtokólik, bıyl taǵy 35 tehnıka satyp alyndy. «103» avtoparki 100% jańartyldy dep aıta alamyz. Barshańyzdy jańa jylmen quttyqtaımyn! Myqty densaýlyq tileımin, óıtkeni bıyl biz densaýlyq adamnyń basty baılyǵy ekenin sezindik. Sizderdiń kúsh-jigerlerińiz, táýlik boıǵy jumystaryńyzdyń arqasynda kóptegen qazaqstandyqtar merekeni otbasylarymen atap ótedi», - dedi Baqtııar Máken.
Aıta keteıik, bir jyldan az ýaqyt ishinde jedel járdem stansııasynyń parki 2,5 ese artty. Kúzde jańa mamandandyrylǵan kólikterdiń kiltterin qala ákimi Altaı Kólginov tapsyrdy. Osylaısha, qazir Nur-Sultan jedel járdem qyzmetiniń balansynda 100-den astam kólik bar. QJMJS jylyna 600 myńnan astam qońyraýǵa qyzmet kórsetedi.