«Samuryq-Qazyna» UÁQ» AQ Basqarma Tóraǵasy Ahmetjan Esimov keńeıtilgen apparattyq keńes ótkizdi. Keńes barysynda ótken jyldyń qorytyndysy shyǵarylyp, 2021 jylǵa basty nazar – ınvestısııalyq holdıng formatyna kóshý belgilendi, dep habarlaıdy Egemen.kz.
Qor basshysynyń aıtýynsha, pandemııamen jáne munaı baǵasynyń quldyraýymen baılanysty qos soqqy saldarynan el ekonomıkasy aıtarlyqtaı teris saldarǵa ushyrady. Degenmen, A.Esimovtyń aıtýynsha, Qor osy jaǵdaıda kompanııalardyń qarjylyq turaqtylyǵyn nyǵaıtý jónindegi is-sharalardy tabysty júzege asyrdy. Onyń aıtýynsha, daǵdarysqa qarsy turýǵa jáne teris áserdi azaıtýǵa, eń aldymen, 2018 jyldan bastap júzege asyrylǵan sharalar kómektesti.
Atap aıtqanda, Qor syrtqy qaryzdyń 8 mlrd dollaryn ótegen, sonyń esebinen 1 trln teńgege baǵamdyq táýekel joıylǵan. Valıýtaǵa jyl saıynǵy qajettilik 269 mlrd teńgege tómendedi. Bul rezervter pandemııanyń birinshi tolqynynyń soqqysyna tótep berip, Qor tobynyń kásiporyndarynyń úzdiksiz jumysyn qamtamasyz etti. Bul rette kvazımemlekettik sektor sýbektileriniń taza tabysynyń 95%-ǵa deıini «Samuryq-Qazyna» úlesine tıesili.
Osy jyldyń naýryz-sáýir aılarynda shyǵyndardy taǵy 429 mlrd-qa ońtaılandyrý boıynsha jumystardyń ekinshi kezeńi iske asyryldy jáne sıfrlyq transformasııa baǵdarlamasyn jáne jumysta IT tehnologııalardy paıdalaný belsendi iske asyryla bastady.
A. Esimovtyń aıtýynsha, bul is-sharalar topqa daǵdarys kezeńinde belgili bir qaýipsizdik qoryn qurýǵa, óndiristi toqtatýǵa, óndiristik personaldy qysqartýǵa jol bermeýge jáne jalaqy tólemderin saqtaýǵa múmkindik berdi. Aıta keteıik, «Samuryq-Qazyna» elimizdiń eń iri jumys berýshileriniń biri bolyp tabylady – shamamen 300 myń qyzmetker.
Ahmetjan Esimov sondaı - aq 2021 jyldyń basty ekpinin-qordy 2024 jylǵa qaraı ınvestısııalyq holdıng etip qaıta qurýdy atap ótti. Onyń aıtýynsha, ınvestholdıng róline kóshý jolynda Qor aldyna kóptegen jańa mindetter qoıyp otyr.
Mysaly, aǵymdaǵy jyly «Samuryq-Qazyna» qyzmeti SWFI eń ınnovasııalyq qorlardyń Top-10 qalyptastyrýy kezinde eskerildi, BUU esebine sáıkes «Samuryq-Qazyna» álemniń ozyq qorlarynyń top — 20 quramyna kirdi. Aǵymdaǵy jyldyń qarasha aıynda Qor egemendi ál-aýqat qorlarynyń ashyqtyq reıtınginde barynsha múmkin bolatyn 10 ball aldy.
Qor basshysy ınvestholdıng formatyna kóshý ınvestısııalardy bólýdiń ashyqtyǵyn arttyrý jáne bıznes-prosesterge jańa tásilderdi bildiredi dep atap ótti.
Sóz sońynda A. Esimov jańa jyldan bastap jańa formatqa kóshý josparyn ázirleýge kirisýdi tapsyrdy.