Jańa jyl qarsańynda Qaraǵandy garnızonynyń áskerı bólimderi tekserildi. Qorǵanys mınıstri Nurlan Ermekbaev jaýyngerlik daıarlyqtyń uıymdastyrylýyn, áskerı tehnıkanyń ustalýyn, sondaı-aq áskerı qalashyqtar ınfraqurylymynyń jaı-kúıin nazarǵa aldy.
55524 áskerı bólimine jumys sapary aıasynda mınıstr Qarýly Kúshterge jańa úlgidegi qarý-jaraq pen áskerı tehnıkanyń, qosalqy bólshekterdiń jetkizilý barysymen tanysty. General-leıtenant N.Ermekbaev bólim komandırleriniń erekshe nazaryn mereke kúnderi qyraǵylyq pen jaýyngerlik ázirlikti, dıversııaǵa qarsy qaýipsizdikti, quqyqtyq tártip pen áskerı tártipti saqtaýǵa aýdardy.
Qorǵanys vedomstvosynyń basshysy jumyldyrý daıyndyǵyn jetildirý, jaǵdaıdyń kenetten ózgerýine den qoıýǵa daıyndyq qajettigin atap ótti. Budan ózge, sanıtarlyq-epıdemıologııalyq sharalardy saqtaý, jeke quramnyń syrqattanýynyń aldyn alý, sondaı-aq áskerı qyzmet qaýipsizdigin qamtamasyz etý jóninde tapsyrmalar berildi.