Adam ómirin qutqarǵan qaharmandar

Tártip saqshylary oqıǵa bol­ǵan jerge jedel jetken. Sóıtse, segizinshi qabattaǵy balkonnan aıaqtaryn salbyratyp jiber­gen bir boıjetken sekirmekke oqta­lyp otyr eken. Tómende bes-alty adam qyzǵa olaı istemeýin óti­nip, jalynyp júr. Al pora-pora bolyp jylaǵan qyz bolsa, óziniń eshkimge kereksiz bolyp qalǵanyn, sol sebepti de ómirmen qoshtasqysy keletinin aıqaılap aıtyp jatty...

Sóıtip abyr-sabyr bolyp jatqan kezde, aýlada júrgen tur­ǵyndardyń biri polısııa qyz­metkerlerine áıeldiń qol sóm­kesin ákelip berdi. Ol balkonda otyrǵan qyzdyń jerge qulap túsken sómkesi bolyp shyqty. Aǵa serjant Aıbat Ákimjanov sómkeniń ishinen úıdiń kiltin taýyp aldy. Sirá da qyzdyń úıiniń kilti bolar-aý degen dolbarmen áriptesi ekeýi segizinshi qabatqa júgire jónelgen.

Bul kezde aǵa leıtenant Beı­bit Baıserkın toǵyzynshy qa­batqa kóterilip, esi kiresili-shy­ǵasyly otyrǵan qyzdy sózge tartyp, aldarqata bastaǵan edi. Polısııa qyzmetkerleri sómke ishinen shyqqan kiltpen páterdiń temir esigin ashyp, ishke engende, qyz otyrǵan balkonǵa aparatyn bólme ishten jabyq bolyp shyqty. Oılanyp turýǵa ýaqyt joq edi: tártip saqshylary ishke esikti buzyp kirdi. Birden atylyp baryp tómenge endi sekire bergen qyzdy eki jaqtan ustap qalǵan...

Keıin bári de belgili boldy. Álgi qyz anasymen áldebir sebep­terge baılanysty sózge kelip qal­ǵan eken. Bylaı qarasańyz, ómir­den kúder úzetindeı kúrdeli nár­se de emes. Kúndelikti tur­mys­­­ta kún saıyn bolyp jatatyn maı­­da-shúıde másele. О́kinishti-aq...

Tártip saqshylary qutqa­ryl­­ǵan qyzdy medısına qyzmet­kerlerine tapsyryp, ári qaraı jumystaryn atqarýǵa ketti. Qo­ǵamnyń tynyshtyǵyn, adam­dar­dyń amandyǵyn saqtaý – olar úshin kúndelikti mindet bol­ǵan­dyqtan, olar bul oqıǵany kóp uzamaı umytyp ta ketken bolatyn. Alaıda jaqsylyq ta aıaqasty qalmaıdy eken: ara­ǵa az ǵana ýaqyt salyp, úsh po­lı­seıdiń adam ómirin qutqarý jo­lyndaǵy jankeshti is-áreketi bú­kil polısııa departamentine aıan bolǵan.

Polısııa basshylyǵy tártip saqshylarynyń tar jerde tap­qyrlyq pen batyldyqtyń eren úlgisin kórsetken is-áreketterin óte joǵary baǵalady. Polısııa aǵa leıtenanty Beıbit Baı­­serkın, kishi leıtenant Daryn Sovet jáne aǵa serjant Aıbat Ákimjanov Qazaqstan Respýb­lıkasynyń Ishki ister mınıstri Erlan Turǵymbaevtyń qolynan «Quqyq tártibin qamtamasyz etýge qosqan úlesi úshin» meda­lin aldy. Budan bólek, Qara­ǵandy oblystyq polısııa depar­tamentiniń bastyǵy Erlan Faı­zýllınniń buıryǵymen beı­bit kúnniń batyrlarynyń árqaı­sysy 100 myń teńge aqsha­laı syılyqpen marapattaldy. Osy saltanatqa arnalǵan jeke qu­ram­nyń jıynynda polısııa bas­­shysy: «О́zgege úlgi bolýy úshin biz adamdy qutqarǵan árip­­tes­terimizdi únemi qoldap, yn­talan­dyryp júrýimiz kerek», degen bolatyn.

Tártip saqshylary ajal ­aýzynan alyp qalǵan boıjetken kúnderdiń bir kúninde óziniń osy istegen qylyǵyna qaradaı qy­sylyp, tipti ókinýi de múmkin. Ál­bette ómir kóshi túzelip, bári jaqsy bolyp ketse, jas qyz bo­lashaqta turmys quryp, ana ata­nyp, ómirge urpaq ákelýi de ǵajap emes qoı. Sonda qarap tursańyz, ózderiniń kásibı min­detine meılinshe adal úsh polıseı bolashaqta ósip-ónetin bir áý­let­tiń tamyryn taǵdyrdyń tal­qysynan aman saqtap qalǵan bolyp tur-aý.

Mine, sol sebepti de, qoǵam­nyń basty baılyǵy – adamnyń ómirin qutqaryp qalǵan azamat­tar­dyń qaı-qaısyn bolsyn qa­harmanǵa teńese artyqtyq etpes edi!

QARAǴANDY