Qostanaı oblysynda shańǵy bazasy ashyldy, dep habarlaıdy Egemen.kz
Aqjoltaı jańalyqty oblys ákimi Arhımed Muhambetov jetkizdi.
«Búgin Qostanaı qalasynda shańǵy bazasynyń ashylýyna qatystym. Shańǵy bazasy «Jumyspen qamtýdyń jol kartasy» memlekettik baǵdarlamasy aıasynda salynǵan. Qostanaı oblysy Qazaqstan Respýblıkasynda qysqy sport túrlerinde jetekshi oryndy ıelenedi, qostanaılyq sportshylar Olımpıada oıyndaryna qatysý úshin Ulttyq Olımpıada quramasyna turaqty túrde kiredi», dep jazdy aımaq basshysy Instagram paraqshasynda.
Bazada uzyndyǵy 2500 metr sapaly jaryqtandyrýmen asfaltbeton jabyny bar shańǵy-roller trassasy jabdyqtalǵan.
Bul jyl boıy oqý-jattyǵý prosesin uıymdastyrýǵa múmkindik beredi. Sondaı-aq dýsh bólmesi bar alty sheshiný bólmesi, ámbebap trenajer zaly, massaj kabıneti bar qalpyna keltirý blogy, medısınalyq kabınet jáne tamaqtaný pýnkti bar ákimshilik korpýs salyndy.
«Shańǵy bazasy 300-den astam balalar men jasóspirimderdiń sport sheberligin jetildirý múmkindigin qamtamasyz etedi, sondaı-aq Qazaqstan chempıonattary men Olımpıada oıyndaryna qatysýshy joǵary dárejeli sportshylardy daıarlaýǵa serpin beredi», deıdi Arhımed Muhambetov.