Saqyldaǵan sary aıaz Shyǵys Qazaqstan oblysynda áli birneshe kúnge sozylady. Sondyqtan polısııa departamentiniń qyzmetkerleri júrgizýshiler men jolaýshylarǵa shalǵaı eldi mekenderge shyqpaý kerektigin eskertti.
Polıseılerdiń aıtýynsha, azamattar eldi mekenderge júrip-turý máseleleri boıynsha jergilikti polısııa qyzmeti basqarmasynyń kezekshi bólimine, ıaǵnı 8(7232) 77-60-05 nómiri boıynsha táýlik boıy habarlasa alady.
Eskerte keteıik, 3 qańtar, saǵat 18-00-den bastap qoǵamdyq kólikke, sondaı-aq respýblıkalyq jáne oblystyq mańyzy bar avtomobıl joldarynda dızeldi qozǵaltqyshtarmen jabdyqtalǵan avtomobılderge ýaqytsha shekteýler engiziledi.
- Júrgizýshilerdi joldarda barynsha muqııat bolýǵa jáne jol erejesin buzbaýdy suraımyz. Qatty aıazda kólikpen, ásirese tas joldarda problemalar týyndaýy múmkin ekenin eskertemiz. Sondyqtan ózińizdi jáne jaqyndaryńyzdy qorǵańyz, jol júrýden aýlaq bolyńyz, - dep keńes berdi oblystyq Polısııa departamentiniń bastyǵy Saǵat Mádıev.
Máselen, Semeı qalasynda bir kúnniń ishinde 10-nan astam azamat aıaq-qoldarynyń úsýi dıagnozymen medısınalyq mekemelerge júgindi.
Búgin oblystyń keıbir tustarynda aıaz -40 gradýsqa deıin kúsheıdi.