Atyraýlyq jas kásipker Rýslan Qulmaǵambetov oblys ortalyǵyndaǵy «Saraıshyq» bazarynyń aldyndaǵy alańdy qysqy ǵajaıyptar álemine aınaldyrǵan jármeńke ashty, dep habarlaıdy Egemen.kz
Munda birneshe aǵash úı ornatyldy. Túnde gırlıandalar janyp turady. Ortada jańajyldyq shyrsha bar. Shyrsha janyna úrlengen Aıaz ata men Aqsha qar qoıyldy. Jármeńkede býrgerge, hosh ıisti sýsyndarǵa tapsyrys berip, mýzyka tyńdaýǵa bolady. Estelik kádesyılar, kosmetıkalyq buıymdar satylady.
«О́tken jyl bárimiz úshin ońaı bolmady. Buqaralyq is-sharalar toqtatyldy. Jańa jyl qarsańynda súıiktim ekeýmiz atyraýlyqtarǵa, qala qonaqtaryna merekelik kóńil-kúı syılaǵymyz keldi. Bizdiń kásiporynnyń jumysshylar aǵash taqtalardan úı turǵyzdy. Jármeńkege óz ónimderin usynýǵa jas kásipkerler shaqyryldy», deıdi Rýslan Qulmaǵambetov.
Onyń aıtýynsha, Eýropanyń elderin aralap, túrli qalalardaǵy jármeńkelerdi kórgen. Sonyń ishinde London qalasyndaǵydaı jármeńkeni Atyraýda uıymdastyrýdy kózdegen eken.