О́skemen garnızonynyń Qasym Qaısenov atyndaǵy áskerı bóliminde jaýyngerlik josparǵa sáıkes barlyq sanattaǵy áskerı qyzmetshilerdiń mamandyq boıynsha daıarlyǵy aıaqtaldy, dep habarlaıdy Egemen.kz.
Bir aıǵa sozylǵan daıyndyq kezinde áskerı qyzmetshiler fýnksıonaldyq mindetterin, shtattyq qarý-jaraq pen áskerı tehnıkany qoldanýdy, atýdy, shtattyq baılanys quraldarymen jumys isteýdi jáne alǵashqy medısınalyq kómek kórsetýdi úıretti. Sabaqtar árbir áskerı mamandyq boıynsha jeke ótkizildi.
«Búgingi tańda daıyndyqtan shamamen 1100 áskerı qyzmetshi ótti. Elimizdiń Qarýly Kúshterinde tek saýatty, óz isin jetik biletin joǵary bilikti mamandar qyzmet etýi tıis. Sondyqtan áskerı qyzmetshilerdiń jaýyngerlik daıyndyqtaryna erekshe kóńil bólinedi», - dedi Q. Qaısenov atyndaǵy áskerı bólim komandıri, podpolkovnık Aslan Kitapbaev.
Atalǵan oqý daıarlyǵyn tájirıbeli áskerı mamandar, nusqaýshylar júrgizdi. Máselen, motoatqyshtar bólimshelerinde JÁUM (jaıaý ásker urys mashınalarynyń) kózdeýshi-operatorlar sııaqty mamandar bar. Olar ekıpaj quramynda úılesimdi jumys isteı alýy tıis.
«Mamandyq boıynsha daıyndyq kezinde biz kózdeýshi-operatorlardy zeńbirekten atý jáne onymen qosarlanǵan pýlemetten atý erejelerin úıretýimiz kerek. Bul mashyqtardyń barlyǵy áskerı qyzmetshiniń kásibıligin arttyrý jáne óz mamandyǵy men urystaǵy maqsatyn durys túsiný úshin qajet», – dedi kózdeýshi operatorlardyń nusqaýshy serjanty Erasyl Maratov.
Jaýyngerlerdi daıyndaý jumystary osymen toqtamaıdy. Áli de shynyǵý, shyńdaý jumystary júrgizile bermek.