Partııa tóraǵasy Azat Perýashev bastaǵan aqjoldyqtar elimizdiń shyǵysyna saparlap, jergilikti eńbek ujymdarymen kezdesti.
Shyǵys Qazaqstan óńirindegi saparyn partııa ókilderi О́skemen qalasynan bastady.
Aqjoldyqtar aldymen О́skemendegi metallýrgııalyq zaýytqa bardy. Bul óndiris tek óńirdegi ǵana emes, búkil álemdegi eń iri óndiris oshaqtarynyń biri sanalady. Sondyqtan partııa ókilderi bul ujymnyń pikirin tyńdaýdy jón sanady.
О́ndiriste 4 myńǵa jýyq adam jumys isteıdi. Al zaýyt ónimderi eksportqa shyǵady. «Aq jol» partııasynyń ókilderi aldymen kásiporynnyń tynys-tirshiligimen tanysyp, ujymymen kezdesti.
Budan keıin Azat Perýashev bastaǵan arnaıy top jergilikti avtobýs parkinde boldy. Bul kásiporyndaǵy jaǵdaı salystyrmaly túrde kúrdeli. О́ıtkeni jumysshylardyń deni egde jasta. Sáıkesinshe, bul óndiristiń jumysshylaryn densaýlyq kútimi men zeınetke shyǵýǵa qatysty máseleler alańdatady. Jalaqy men baspana túıitkilderi taǵy bar.
Dál osy baspana máselesi pedagogterdi de mazalaıdy. Bul jóninde Jambyl atyndaǵy mektep-ınternaty ujymymen bolǵan kezdesý barysynda belgili boldy. Partııa tóraǵasy bul ujymdy da «Aq joldyń» saılaýaldy baǵdarlamasymen tanystyrdy jáne jergilikti jumysshylar ózderiniń jumys baǵyty boıynsha suraqtar qoıdy, usynystar jasady.
Dál osyndaı formattaǵy kezdesý jergilikti sý elektr stansasynyń ujymymen de boldy. Bul salada da kókeıkesti másele kóp ekeni belgili boldy.
Ujym qyzmetkerleri áleýmettik máselelerdiń rettelmeı turǵanyn, al turmystyq jaǵdaıdyń keı kezde jumystyń ónimdi bolýyna kesir keltiretinin aıtyp ótti. Olar aldaǵy saılaýda belsendilik tanytyp, saılaý arqyly óz tańdaýlaryn jasaıtyndaryn jetkizdi.