Shyǵys Qazaqstan oblysynyń polıseıleri aıazdy kúnderi kúsheıtilgen rejımde qyzmet atqardy. Kún saıyn qoǵamdyq tártipti saqtaýǵa jáne jol qaýipsizdigin qamtamasyz etý úshin 200-den astam patrýldik polısııa jasaǵy, onyń ishinde qala syrtyndaǵy tasjoldarǵa qyzmet kórsetetin 36 jasaq jumyldyrylady, dep habarlaıdy Egemen.kz
Jańa jyldyń alǵashqy aptasy aıazdy boldy. Sol kezderi polısııa departamentiniń qyzmetkerleri jol boıynda 90 júrgizýshige kómek kórsetken.
2 qańtarda О́skemen - Samar baǵytynda júrgizýshiniń kóligi buzylyp, jolda qalǵan. Der kezinde kelgen polısııa ınspektorlary kólikti evakýatorǵa tıeýge kómektesti.
Altaı - О́skemen baǵytyndaǵy tas jolda kele jatqan jeńil kólik óship qalǵan. Aýa temperatýrasy kúrt tómendep, jolaýshylar tońazyǵan. Kómekke jedel jetken polıseıler jolaýshylardy óz kólikterine jaıǵastyryp, olardyń kólikterin otaldyrýǵa kómek kórsetken.
«Qatty aıazda polısııa qyzmetkerleri eń aldymen qıyn jaǵdaıǵa tap bolǵan oblys turǵyndaryna kómek kórsetýge tyrysady, sondaı-aq joldaǵy tártip te nazarda», - dep atap ótti oblystyq Polısııa departamentiniń bastyǵy Saǵat Madıev.
Sondaı-aq, Aıagóz qalasynyń polısııa patrýl qyzmetkerleri Semeıge bara jatqan júrgizýshige qol ushtaryn sozǵan. Onyń kóligi qatty aıazda synyp qalǵan. Polıseıler avtokólikti jóndeý stansasyna jetkizip, júrgizýshinini qonaqúıge ornalastyrǵan.
ShQO Polısııa departamenti taǵy qaıtalap aıazdy kúnderi eldi meken aýmaǵynan tys shyqpaýdy eskertedi.
Shyǵys Qazaqstan oblysy