Bul kúnderi Birikken Arab Ámirlikteriniń bas shahary – Ábý-Dabı qalasynda tennısten halyqaralyq Abu Dhabi WTA Women’s Tennis Open týrnıri ótip jatyr. Júlde qory 565 530 AQSh dollaryn quraıtyn doda qazaqstandyq sportshylar úshin sátti bastaldy.
Jerlesterimiz arasynda jarys shymyldyǵyn álemdik reıtıngte 28-orynǵa jaıǵasqan Iýlııa Pýtınseva ashyp berdi. Alǵashqy aınalymda WTA reıtınginde 85-orynda turǵan ıtalııalyq Martına Trevızanmen baq synaǵan otandasymyz eki sette 6:3, 6:3 esebimen jeńiske jetti. Ekinshi jarys kúninde Pýtınsevanyń jeńisti jolyn elimizdiń birinshi, álemniń 19-raketkasy Elena Rybakına sátti jalǵastyrdy. Taǵy bir ıtalııalyq tennısshi Lýkresııa Stefanınımen kortqa shyqqan ol qarsylasyna esh múmkindik qaldyrmady. Bir saǵatqa sozylǵan kezdesýde Rybakına 6:1, 6:3 esebimen basym tústi.
О́kinishke qaraı, osy týrnırde baq synap jatqan taǵy bir tennısshimiz – Zarına Dıas birinshi aınalymnan ary asa almady. Reseılik Ekaterına Aleksandrovamen baq synaǵan Dıas 6:4, 6:4 esebimen qarsylasyna jol berdi.