Qaraǵandy qalasynyń ákimi Ermaǵanbet Bólekpaev jylytý jumystarynyń kemshilikterine baılanysty qala turǵyndarynan keshirim surady, dep habarlaıdy Egemen.kz.
Sondaı-aq ákim qaraǵandylyqtardyń úıleri nege sýyq bolatynyn túsindirdi.
«Birinshiden, bul - aımaqtaǵy uzaqqa sozylǵan aıazǵa baılanysty. Ekinshiden, jyl basynan beri stansııada týrbogeneratordyń jumysyna qatysty keleńsiz úsh jaǵdaı boldy. Bul jylý berýdiń 90 gradýsqa deıin tómendeýine ákeldi. Qazirgi ýaqytta stansııa turaqty rejımde jumys isteıdi jáne 109 gradýs jylýmen qamtamasyz etý qalpyna keledi. Úshinshiden, qubyrlardyń jylý joǵaltýyna baılanysty. Bul máseleni sheshý úshin osy osy jyldan bastap aýqymdy túrde qubyrlardy jylý oqshaýlaý jabdyqtarymen qamtamasyz etýdi bastaımyz», - dedi Qaraǵandy qalasynyń ákimi Ermaǵanbet Bólekpaev.