Mańǵystaý oblysynyń Munaıly aýdanynda aýladan mektep jasyndaǵy balanyń máıiti tabyldy. Málimetterge súıensek, oqıǵa 1 maýsym kúni bolǵan, dep habarlaıdy Egemen.kz.
Jergilikti turǵyndardyń aıtýynsha, ony aldymen basqa bir bala baıqap qalǵan. Bastapqyda ol ony átkenshekte oınap otyr dep oılaǵan. Alaıda jaqyndap qaraǵanda, balanyń beti kógerip ketkeni jáne aýzynan kóbik shyqqany anyqtalǵan. Osydan keıin ol dereý úlkenderdi shaqyryp, jedel járdem men polısııa qyzmetkerleri oqıǵa ornyna kelgen.
Dárigerler 2014 jyly týǵan balanyń kóz jumǵanyn rastady. Bala tunshyǵyp qalǵan bolýy múmkin.
Qazir oqıǵanyń naqty sebebi anyqtaý úshin, tıisti organdar tekserý jumystaryn júrgizip jatyr.
Buǵan deıin Ekibastuz qalasynda bir jasar bala besinshi qabattaǵy terezeden moskıt torymen birge qulap ketken.