Qazaqstan SIM Májilis saılaýyndaǵy TúrkPA baıqaýshylaryn qabyldady. Qazaqstan Respýblıkasy Syrtqy ister mınıstriniń Birinshi orynbasary Shahrat Nuryshev QR Parlamenti Májilisine saılaýdy baqylaý úshin kelgen Túrkitildes memleketterdiń Parlamenttik assambleıasy baıqaýshylar mıssııasymen kezdesý ótkizdi, dep habarlaıdy Egemen.kz
Kezdesý barysynda baıqaýshylarǵa saılaý naýqany jáne elimizdegi keıbir saılaý rásimderi týraly aqparat berildi. Sonymen qatar, TúrkPA ókilderimen uıym aıasyndaǵy yntymaqtastyq máseleleri talqylandy.
TúrkPA Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń bastamasymen 2008 jyly 21 qarashada quryldy. Shtab-páteri Baký qalasynda ornalasqan. Uıymnyń músheleri Qazaqstan, Ázerbaıjan, Qyrǵyzstan jáne Túrkııa elderi.