Oral qalasynda shaǵyn kásiporyndardyń birinde bolǵan órtti sóndirý kezinde tótenshelikter jedel qımyldap, yqtımal jarylystyń aldyn aldy dep habarlaıdy Egemen.kz.
9-qańtarǵa qaraǵan túngi saǵat 3-ten 14 mınýt ótkende Oral qalasynyń Jáńgir han kóshesi boıyndaǵy «Hazar»kempıngi aýmaǵynda órt shyqqany týraly sýyt habar jetken bolatyn. Tilsiz jaý kempıng aýmaǵyndaǵy qosalqy úı-jaıda,eki qabatty shınomontaj ǵımaratynda bolǵan.
Oqıǵa ornyna jedel jetken tótenshelikter jalpy aýdany 44 sharshymetrlik bólmede jeke zattar, plastıkalyq tereze jaqtaýlary, turmystyq tehnıkalar janyp jatqanyn kórgen. Eń qıyny – ǵımarat ishinde jarylý qaýpi bar joǵary qysymdy balon kóp eken. О́rt sóndirýshilerdiń utymdy is-qımylynyń arqasynda oqıǵa ornynan 4 ottegi, 4 propan balony jáne freony bar 14 balon (hladagent) qaýipsiz jerge shyǵaryldy.
Batys Qazaqstan oblystyq Tótenshe jaǵdaılar Departamenttiń 7 jeke quramy, 3 tehnıkasy jumylyp, sheberhanada órt túngi saǵat 04.38.-de tolyǵymen sóndirildi.
Batys Qazaqstan