Senat Tóraǵasy Máýlen Áshimbaev TMD Parlamentaralyq Assambleıasynyń halyqaralyq baqylaýshylar delegasııasymen kezdesti, dep habarlaıdy Egemen.kz tilshisi QR Parlamenti Senatynyń baspasóz qyzmetine silteme jasap.
Baqylaýshylar 2021 jyldyń 10 qańtaryndaótetin Májilis jáne máslıhattar saılaýynabaqylaý júrgizedi.
Máýlen Áshimbaev pandemııaǵa qaramastan saılaý barysyna monıtorıng jasaý úshin Qazaqstanǵa arnaıy kelgen TMD PA ókilderine alǵysyn bildirdi.
Qazaqstan Májilis pen máslıhattar saılaýynabaqylaý júrgizý úshin 11 halyqaralyq uıym, sheteldik baqylaýshylar men BAQ ókilderin shaqyrǵany belgili.
«Qazaqstan baqylaý prosesine basa mán berip otyr. Bizdiń elimiz saılaýdy joǵary demokratııalyq standarttarǵa jáne normalarǵa sáıkes ótkizý úshin barlyq tıisti sharalardy qabyldaýda», – dedi Máýlen Áshimbaev.
Sondaı-aq, ol Qazaqstan bedeldi halyqaralyq uıymdardyń buǵan deıingi usynymdaryn eskere otyryp, daýys berý úderisin joǵary deńgeıde uıymdastyrýǵa daıyn ekenin jetkizdi.
Kezdesý barysynda Senat Spıkeri elimizdiń saıası júıesin damytýǵa arnalǵan naqty qadamdar týraly da aıtyp ótti. Sonyń ishinde Parlamenttińbyltyr Prezıdenttiń saıası reformalaryn zańnamalyq turǵydan qamtamasyz etkenine nazar aýdardy. Soǵan sáıkes partııalyq tizimderge áıelder men 29 jasqa deıingi jastarǵa arnaıy 30 paıyzdyq kvota engizildi jáne parlamenttik oppozısııa ınstıtýty zańmen bekitildi. Odan bólek, saıası partııalardy qurý jáne tirkeý tártibi de jeńildetildi.
«Memleket basshysynyń bastamasymen qabyldanǵan zańdar partııalyq júıeni nyǵaıtýǵa, ártúrli áleýmettik toptardyń saıası prosesterge qatysýyn keńeıtýge arnalǵan», – dedi Senat Tóraǵasy.
Sonymen qatar Máýlen Áshimbaev TMD Parlamentaralyq Assambleıasynyń múshe memleketterdiń ózara yntymaqtastyǵyn arttyrý boıynsha atqaryp kele jatqan jumysyn joǵary baǵalady.