Oblystyq densaýlyq saqtaý basqarmasy baspasóz qyzmetiniń málimetinshe, búgin, 10 qańtarda túske deıin 23 sábı ómirge keldi. Onyń ishinde 13 ul, 10 qyz bar, dep habarlaıdy Egemen.kz
Saılaý kúninde náresteli bolǵannyń qatarynla Isataı aýdanynyń turǵyny Shynar Tóleýishova da bar. Ol búgin ómirge tórtinshi sábıin ákeldi.
«Bizdiń otbasymyzda balalarǵa maǵynasy bólek, saıası naýqan men aıryqsha oqıǵalarǵa baılanysty erekshe esimder berý dástúri bar. Máselen úshinshi qyzymyzdy Quralaı dep atadyq. Sebebi, qyzymyz kóktemgi tabıǵat qubylysy – Quralaı atalatyn amal kezinde dúnıege keldi. Búgingi saılaý kúninde dúnıege kelgen tórtinshi qyzymyǵa esim tańdaýdy osy sharamen baılanystyrmaq oıymyz bolǵan. Biraq qyzymyzǵa Saılaý degen esim berilmeıdi. Bálkim, qyzymyzdy táýelsiz elimizdiń áleýmettik-ekonomıkalyq órkendeýine laıyqty úlesin qosyp júrgen isker, ári saıasatker áıelderdiń biriniń esimimen ataýymyz múmkin. Al búgin – táýelsizdigimizge 30 jyl tolǵaly otyrǵan mereıli sát qarsańynda elimizdiń keleshegin búgingiden de kemeldendire túsýge tańdaý jasaıtyn tarıhı kún. Sondyqtan, elimizdiń jańǵyrýymen birge qyzymyzdyń da bolashaǵy jarqyn bolaryna senemin», deıdi Shynar Tóleýishova.