El úshin mańyzdy naýqan ǵoı. Sondyqtan da bir kisideı baryp óz tańdaýymyzdy jasadyq.
Maqsatymyz da, analar arasynda saılaýdyń mádenıetin, mańyzyn kórsetý edi. Qazirgi tańda ár ana óz quqyǵyn biletindeı dárejege jettik. Endi altyn qursaqtylar urpaǵynyń bolashaǵy úshin tańdaý jasaı bilýi kerek.
Partııalar usynǵan baǵdarlamalarda «halyq nazar aýdarady-aý» degen tustary kóp. «Nur Otannyń» baǵdarlamasy halyqty eleń etkize qoımaýy múmkin. Biraq, tereń úńilip qarasaq, aýqymdy máselelerdi kóterýge nıetti. Birneshe jylǵa jospar bar. «Aq jol» partııasy «nesıeni keshirý kerek» degen sııaqty halyqtyń kókeıinde júrgen máselelerdi alǵa tartqan. «Aýyldyń» baǵdarlamasyn da qaradyq. О́zim de qoǵamda, bılik aldynda aýyldyń máselelerin kóbirek kóteremin.
Atap aıtsam, baspana, óndiris, aýylsharýashylyǵy, jumys oryndardyń joqtyǵy sııaqty problemalar az emes. Aıtpaǵym, «Aýyl» partııasynyń josparlaryna da kóńil tolady. Tańdaý árkimniń óz erkinde. Mysaly, dúkende qarapaıym zatty da tańdap alasyń. Onyń qasynda saılaý úlken jaýapkershilik ǵoı. Usynǵan baǵdarlamalaryna qaraı óz tańdaýyńdy jasa. Jalpy partııalar halyqtyń suranysyn elep otyr.
Juldyz AQTANJANOVA, «Úılesim» qoǵamdyq birlestiginiń jetekshisi