Bul saılaýdyń qoǵamnyń saıası ómirindegi mańyzy erekshe. Osy jolǵy engizilgen basty erekshelik – "Qazaqstan Respýblıkasyndaǵy saılaý týraly" konstıtýsııalyq zańda jáne "Saıası partııalar týraly" zańda qarastyrylǵan erejeler boıynsha parlamenttik tájirıbemizde alǵash ret partııalyq tizimge áıelder men jastar úshin 30 paıyzdyq kvota engizilgeni bolyp otyr. О́z basym jastarǵa jol bergenine qýanamyn. Bul olardyń elimizdegi qoǵamdyq-saıası úderisterge belsendi qatysýyna septigin tıgizetini sózsiz.
Eń aldymen bul saılaý álem aldynda elimizdiń saıası ınstıtýttardy dáıekti túrde demokratııalandyrýǵa jáne jańǵyrtýǵa yqylasty ekenin taǵy da dádeldeı túsedi.
Byltyrǵy pandemııa saldarynan týyndaǵan kúrdeli ekonomıkalyq daǵdarys kóptegen eldi qamtyp, álemdik ekonomıkaǵa keri áser etkeni belgili. Sondyqtan da saılaýshylar daýsy qorytyndysymen partııalardan depýtattyq mandat ıelenetin otandastarymyz aldynda daǵdarysqa qarsy tıimdi sharalar qabyldaý, ornyqty ekonomıkalyq damý men azamattarymyzdyń áleýmettik ıgiligin qamtamasyz etý, eldiń ál-aýqatyn arttyrý sekildi kúrdeli mindet tur.
Ártúrli partııalardy biriktirip, ortaq múddege jumyldyrý arqyly saıası jańǵyrýdyń jańa kezeńine qadam basatyn bul bastamadan eshkim de syrttap qalmaıtyny anyq. О́ıtkeni, erteńge baǵyt-baǵdarymyz búgingi jasaǵan tańdaýymyzǵa baılanysty.
Jandos BAZARTAI,
Qorqyt ata atyndaǵy Qyzylorda
ýnıversıtetiniń áleýmettik jáne tárbıe jumystary
jónindegi prorektory mindetin atqarýshy