Qazaqstan Respýblıkasy Parlamenti Májilisi jáne máslıhattarynyń saılaýy Batys Qazaqstan oblysynda da uıymshyldyqpen ótti.
О́ńirdegi barlyq saılaý ýchaskesi sanıtarlyq talapqa saı jabdyqtalǵan. Saılaý ýchaskesine kelgen turǵyndarǵa tegin medısınalyq maska berildi. Oral qalasynda qoǵamdyq kólikter tegin júrdi.
Bul saılaýda Batys Qazaqstan oblysynda 451 myńdaı adam daýys bere alady. Oblys aýmaǵynda 505 saılaý ýchaskesi bolsa, sonyń 110-y – Oral qalasynda, 80-i aýdandarda ornalasqan. О́ńirden Májilis jáne máslıhat depýtattyǵyna 450 úmitker tirkelgen.
Eki kún buryn Batys Qazaqstan oblysy aýmaǵynda boran soǵyp, kóp jerde qar aralas jańbyr jaýyp ketti. Sodan da keshe kóshede kóktaıǵaq bolyp, jaıaý júrginshilerdiń júrip-turýy qıyndap ketti. Jergilikti bılik oryndary joldardy tazalaý, qum sebý jumysyn jedel júrgizdi.
Qoryta aıtqanda, batysqazaqstandyqtar saılaýǵa belsendi túrde qatysty.
Batys Qazaqstan oblysy