«Jazmyshtan ozmysh joq» dep jubatar edi mundaıda. Saılaýdyń aldynda Katonqaraǵaı aýdany, Jambyl aýylynda sý munarasy qulap, bir adam mert boldy.
1983 jyldary boı kótergen sý munarasynyń ábden tozyǵy jetse kerek, aıazdy kúnderi qatyp qalatyn kórinedi. Ol qatsa, aýyldaǵy sanaýly kudyqtardyń da sýy toqtaıdy. Zardabyn sol baıaǵy, qońyr tirlik keship otyrǵan halyq tartady. Buǵan bas-kóz bolyp júrgen «kommýnaldyq sharýashylyqtyń» jumysshysy Nurlanbek Tursynǵojın 4 qańtarda sýy qatqan munaranyń tetigin eritpek bolyp, bıigine kóterilipti. Sonda ǵoı, 15 metrdeı munara túbinen opyrylyp, qulap túsken. Al aýyldyqtardy aýyz sýǵa jarytam dep júrgen Nurlanbek aýrýhanaǵa jetpeı kóz jumǵan. Artynda bala-shaǵasy qaldy. Bul aýyldaǵy aǵaıynnyń aıtqany. Al aýyldyq okrýgtiń ákimi ne deıdi?
- Turǵyndar sýdy munaradan alyp júrgen. Aýylda bes kolonka bar, olar da istep tur. Qysta qulaıdy dep oılaǵan joqpyz. 2020 jyly jóndeý týraly smetalyq qujatyn jasap, aýdandyq Turǵyn úı kommýnaldyq sharýashylyǵyna jazǵamyz. Olar aqsha bólemiz degen. Sý aǵyp turatyn. Aıazdy kúnderi ishi qatypty, - deıdi Jambyl aýyldyq okrýginiń ákimi Álibek Amanov.
О́kinishti, endi qarjy bólip munarany jóndegenmen mert bolǵan azamatty qaıtarmaıdy. Jaýapty basshylar munaranyń tozyǵy jetkenin bile tura qaýiptiń aldyn alý kerek edi?! Onyń ústine memleket nazaryndaǵy shekaralyq aýdan. Jambyl aýyldyq okrýginiń ákimi Á. Amanovtyń aıtýynsha arnaıy komıssııa kelip oqıǵanyń mán-jaıyn anyqtaıdy.
Shyǵys Qazaqstan oblysy
Katonqaraǵaı aýdany