Jaýaptylardyń sózine sensek, shaharda qoǵamǵa qajet barlyq nysandar men áleýmettik obektiler 100%-ǵa jylýǵa qosylǵan ári júıeli jumys istep tur.
Jylý maýsymynda qyzmet kórsetýge jumyldyrylǵan kommýnaldyq qyzmetter (AlTS, KBAE, AlES, Almaty sý, AJK jáne QazTransGaz-Aımaq) joǵary daıyndyq rejiminde.
Almaty qalasynyń ońtústik bóliginiń turǵyndaryn elektrmen úzdiksiz qamtamasyz etý jáne ál-Farabı - Jarokov - Tımırıazev - Rozybakıev sharshysyndaǵy jańa turǵyn úı keshenderinde qarqyndy qurylys jumystaryn júrgizý úshin «Kaskad» QS 110/35/10-6kV jáne «Almagúl» QS 110 kV jańa qosalqy stansalarynyń qurylysy bastaldy.
Qazandyqtyń qýatyn arttyrý úshin jáne Almatynyń ońtústik aýdanynda jylý energııasynyń tapshylyǵyn joıý maqsatynda sondaı-aq jylý berý maýsymy kezeńinde tutynýshylardy jylý energııasymen úzdiksiz qamtamasyz etý úshin «Ońtústik» aýdandyq qazandyǵy qýatyn 55 Gkal-ǵa ulǵaıta otyryp, qaıta jańǵyrtý kózdelgen.
Jyl saıyn barlyq jumystar Almaty qalasynyń turǵyndaryn ınfraqurylymmen úzdiksiz qamtamasyz etý maqsatynda júrgiziledi.
"Birinshi kezektegi maqsat – bul turǵyndardyń jaıly ómir súrý jaǵdaıyn jaqsartý, kommýnaldyq qyzmetterdiń qoljetimdiligi jáne naqty tutynǵan energııasy úshin tólem júrgizý", deıdi mamandar.