Jalyndaǵandarǵa jumys kóp

Forýmnyń ashylý saltana­tynda oblystyq ishki saıasat basqarmasy basshysynyń min­detin atqarýshy Irına Smıt Memleket basshysy Qasym-Jomart Toqaevtyń Qazaqstan halqyna Joldaýynda aıtylǵan ulttyń jańa bolmysyn qalyp­tastyrýdaǵy jastardyń róli, óńirde memlekettik jastar saıa­satynyń iske asyrylýy, pan­demııadaǵy volonterlerdiń qyz­meti týraly atap ótti.

О́tken jyly «Jasyl el» jastar eńbek jasaqtarynda 1 206 adam eńbek etken. Olardyń 522-si kóp balaly jáne tur­mysy tómen otbasylardan bol­sa, 113 jas – oqý oqymaıtyn jáne jumys istemeıtin NEET sana­tyndaǵylar. Sondaı-aq «Eńbek» baǵdarlamasy arqyly 16 myń jas jumyspen qamtylsa, «Jumyspen qamtýdyń 2020 jol kartasy» arqyly 3 700 jas maman eńbekke tartylǵan. Al «Dıplommen – aýylǵa!» baǵdarlamasy arqyly 378 adam kóterme járdemaqy, 294 maman turǵyn úı alý úshin bıýdjettik nesıege ıe bolǵan.

Forýmda sóz alǵan «Birgemiz» volonterlerdiń res­pýb­lıka­lyq front-keńe­siniń  jetekshisi Tatıana Mı­ronıýk  jyl boıy iske asy­ryl­ǵan jobalar men oǵan shyǵysqazaqstandyq jastar­dyń belsendi qatysýy týraly baıandap berdi. Onyń aıtýynsha, oblys jastary ár jobanyń quny 300 myń teńge turatyn 53 shaǵyn grantty jeńip alyp, kásipterin dóńgeletken.

О́skemendik belsendi volonter Vasılıı Hvannyń aıtýynsha, karantın kezinde jalǵyz turatyn, densaýlyǵy jáne áleýmettik jaǵdaıyna baılanys­ty kómekke muqtaj adamdarǵa, qart kisilerge eriktilerdiń kór­setken kómekteri ushan-teńiz. Olar barlyq qaýipsizdik sharalaryn saqtaı júrip, azyq-tú­lik, dári-dármek jetkizýmen aına­lysqan. Qaıyrymy mol bul jumysqa uzyn sany 93 volonter jumyldyrylypty.

– Biz qarttardyń qaýipsiz­digin oıladyq. Sóıtip, olarǵa kerek-jaraqtaryn aparyp berip júrdik. Saqtyq sharalaryn túsindirý jumystaryna, betperdeler taratýǵa da belsene qatystyq, – deıdi Vasılıı Hvan.

Álemdi dúrliktirgen koronavırýs ınfeksııasynyń taralýy kezinde ózinen góri ózgelerdiń ómirin oılap, ha­lyq­tyń densaý­lyǵy úshin qyzmet etken úr­jarlyq jas dáriger Shuǵyla Tursynbekova provızorlyq bólimde 14 kún emdeýshi dáriger retinde qyzmet atqarǵanyn, áli de indetpen kúrestiń jalǵasyp jatqanyn aıtty.

Onlaın formatta jalǵasyn tapqan forýmda dekrettik demalysta otyrǵan Janna Ospanova pandemııa kezinde onlaın dú­kendi qalaı uıymdastyrǵany týraly tájirıbesimen bólisti. Jannanyń negizgi jumysy – Kýrchatov qalasyndaǵy ulttyq ıadrolyq ortalyqta ınjener. Ol áńgimesinde Kýrchatovtaǵy fıt­nes ortalyǵynyń jumysy, pan­demııada tap bolǵan qıyn­shylyq­tary týraly da sóz qozǵady.

Forým aıasynda jobalyq menedjment, halyqaralyq deń­geıdegi volonterlik jo­­balarǵa qatysý, lıder­lik jáne jeke brendti qa­lyp­tas­tyrý boıynsha S.Ýsha­ko­vanyń, A.Berli­baıdyń, A.Ernııazovanyń jáne E.Jú­ni­so­vanyń qatysýymen jas­tarǵa arnalǵan trenıngter ótti.

Odan ózge «Qazaqstannyń 100 jańa esimi» jobasynyń jeńimpazy IT maman, «Evklıd» bilim berý ortalyǵynyń ne­gizin salýshy, «Thousand IT Group» kompanııasynyń dırektory, birneshe áleýmettik jobanyń bastaýshysy Aı­bolat Qulataımen jáne «Qazaqstan jastarynyń kon­gresi» ZTB-nyń basshysy, «Daryn» Memlekettik jastar syılyǵynyń laýreaty Toqtar Bolysovpen motıvasııalyq kezdesýler uıymdastyryldy. Aldaǵy ýaqytta memlekettik jastar saıasatyn iske asyrýǵa úles qosqan jastar ishinen jeńimpazdar anyqtalyp, oblys ákiminiń syılyǵymen marapattalady.

Shyǵys Qazaqstan oblysy