Túrkııa prokýratýrasy jazdaǵy narazylyq aksııalaryna qatysqan 225 ereýilshige sot júzinde aıyp taqty. Bul týraly Lenta.ru habarlady.
Mıtıng týraly zańdy buzýdan bastap, dinı ǵımarattarǵa zaqym keltirý men qylmyskerlerdi jasyrý aıyptary túriktermen qatar, sheteldiń jeti azamatyna da taǵylǵan.
Túrkııadaǵy jappaı narazylyq Gezı saıabaǵyndaǵy aǵashtardyń qyrqylýyna qarsy shyqqan ekologtardyń shaǵyn aksııasynan bastalǵan bolatyn. Keıinnen ereýilshilerdiń qatary kóbeıip, olardyń talaptary da saıası baǵyt ala bastady.
Ereýilshilerdi taratý úshin polısııa sý atqysh, kóz jasaýratatyn gaz jáne taǵy basqa arnaıy quraldardy qoldandy. Nátıjesinde alty adam qaza bolyp, segiz myńǵa jýyǵy túrli jaraqat alǵan. Túrkııa premer-mınıstri Redjep Taııp Erdogan birneshe ret ereýilshilerdi qylmyskerler dep atap, olarǵa qarsy qatań sharalar qoldanylatynyn eskertken bolatyn.
Aıdar О́risbaev.
Derekkóz: Lenta.ru