Fýtzaldan Almatynyń «Qaıratynda» óner kórsetip júrgen brazılııalyq legıoner Gadeıa 2020 jyldyń qorytyndysy boıynsha álemniń úzdik oıynshysy atanýy múmkin, dep habarlaıdy Egemen.kz
«Qaırattyń» sapynda oınap júrgenine asa kóp ýaqyt bolmasa da aıtýly shabýylshy óreli ónerimen kózge túsip, birden jergilikti jankúıerlerdiń júregin jaýlady. Ol talaı mańyzdy matchtarda almatylyq komandany alǵa jetelep, sheshýshi tusta serke oıynshyǵa tán minez kórsetti. Nátıjeli pastar da berdi, ádemi goldar da soqty. Buǵan deıin Gadeıa Ispanııanyń «Inter-Movıstar» klýbynyń namysyn qorǵaǵan edi. Sondaı-aq 2020 jyldyń qorytyndysy boıynsha álemniń eń úzdik fýtzalshysy atanýǵa myna oıynshylar úmitti: Leandro Kýssolıno (Argentına), Deıves Moraesh (Brazılııa), Ferrao (Brazılııa), Babalý (Italııa), Artem Nııazov (Reseı), Pıto (Brazılııa), Rodrıgo (Brazılııa), Serhıo Lozano (Ispanııa) jáne Hosseın Taıebı (Iran),