Elbasy, «Nur Otan» partııasynyń Tóraǵasy N.Á.Nazarbaev partııanyń HV sezinde sóılegen sózinde: «Biz alys bolashaqqa kóz tigip, aldymyzǵa bıik mejeler belgiledik... Ony múltiksiz júzege asyryp, Qazaq elin damýdyń dara jolyna bastaý eldegi eń qýatty saıası kúsh – «Nur Otanǵa» júktelip otyr», dep atap kórsetti. Halyq aldyndaǵy jaýapkershiliktiń eselener tusynda yqpaldy uıymnyń barlyq býyndarynyń úılesimdi jumys isteýi talap etiledi.
Osy oraıda, aýdan ákimi, partııanyń Qorǵaljyn aýdandyq fılıalynyń tóraǵasy Qaıyr RYSKELDINOVTI áńgimege tartyp, sezd alǵa qoıǵan mindetter, uıym qyzmetiniń negizgi baǵyttary jóninde áńgimelep berýin ótingen edik.
Elbasy, «Nur Otan» partııasynyń Tóraǵasy N.Á.Nazarbaev partııanyń HV sezinde sóılegen sózinde: «Biz alys bolashaqqa kóz tigip, aldymyzǵa bıik mejeler belgiledik... Ony múltiksiz júzege asyryp, Qazaq elin damýdyń dara jolyna bastaý eldegi eń qýatty saıası kúsh – «Nur Otanǵa» júktelip otyr», dep atap kórsetti. Halyq aldyndaǵy jaýapkershiliktiń eselener tusynda yqpaldy uıymnyń barlyq býyndarynyń úılesimdi jumys isteýi talap etiledi.
Osy oraıda, aýdan ákimi, partııanyń Qorǵaljyn aýdandyq fılıalynyń tóraǵasy Qaıyr RYSKELDINOVTI áńgimege tartyp, sezd alǵa qoıǵan mindetter, uıym qyzmetiniń negizgi baǵyttary jóninde áńgimelep berýin ótingen edik.
– Qaıyr О́mirsadyquly, sezge aýdan delegasııasyn bastap bardyńyz, aýqymdy mindetterdi talqylaýǵa qatystyńyz. Doktrınanyń qabyldanýy el ómirindegi partııalyq yqpaldyń artqandyǵyn, sonymen bir mezgilde, jańa zamannyń ǵasyrlyq jobalaryn júzege asyrýǵa halyq pen memlekettiń daıyn ekendigin bildirgendeı. Endeshe, partııanyń kóshbasshylyq qýatynyń kúsheıe túsýiniń mánisi nede dep bilesiz?
– Suraǵyńyzǵa Elbasy, partııa Tóraǵasy N.Á.Nazarbaevtyń myna sózderimen barynsha aıqyn jaýap berýge bolady: «Nur Otan» naqty nátıjeniń, ilkimdi istiń partııasy atanyp, eldiń kóńilinen shyǵa bildi. Kúnimizdi shýaqty ete túsý úshin elimizdi qýatty etý – barlyǵymyzdyń ortaq paryzymyz. Bul «Nur Otannyń» bolashaqqa jol silteıtin temirqazyǵy bolýǵa tıis». Mundaı partııa únemi alǵa jyljyp, avangardtyq rólin kúsheıte túsetini belgili.
Osydan bir jylǵa jýyq ýaqyt buryn Elbasy Nursultan Nazarbaev «Qazaqstan- 2050» Strategııasyn jarııalap, elimizdi barynsha damyǵan 30 memlekettiń qataryna qosý týraly mindet qoıdy. Sondyqtan, jańa asýlardy baǵyndyrýǵa bereke men birlik, táýelsizdikke jańasha kózqaras, ashyqtyq pen ynta kerek. Az ǵana ýaqyt ishinde taǵdyrsheshti reformalar bastaldy. Qoǵamdyq baqylaý, halyq aldyndaǵy esep berý, memlekettik organdardyń ashyqtyǵy, ózin ózi basqarý júıesi aıtarlyqtaı jetildirildi. Halyqtyq partııa retinde biz de bul jumystarǵa belsendi túrde qatysyp, qyzmetimizdi jańǵyrtýymyz qajet. Sol sebepti, partııa basshysynyń tapsyrmasyna sáıkes, «Nur Otan» partııasynyń jańa Doktrınasy qabyldanyp otyr. Mańyzdy qujatty partııamyzdyń konstıtýsııasy dep baǵalar edim. О́ıtkeni, ol damýdyń jańa belesterin ashyp, partııanyń ıdeıalyq-tanymdyq jáne qundylyq baǵyt-baǵdaryn alǵa tartady. Sondaı-aq, áli kúnge deıin Qazaqstannyń birde-bir partııasy eldi damytýdyń strategııalyq baǵytyna sáıkes aýqymdy Saıası doktrınasyn usyna almaýy «Nur Otannyń» abyroıly tuǵyryn kórsetedi.
– Partııanyń HHI ǵasyrdaǵy mıssııasy men «Qazaqstan-2050» Strategııasyn iske asyrý aýqymyndaǵy aıqyn bastamalary qorǵaljyndyqtardy da irgeli isterge jigerlendire túsetini anyq. Mindet aýqymdy. Ony júzege asyrý aldymen partııa uıymynyń yqpaldylyǵy men qýattylyǵyn synǵa salady. Endeshe, ózderińizdegi qarym-qabiletti qalaı baǵalar edińiz?
– Uıymnyń jaýyngerligi maqsattyń aıqyndylyǵynan qýat alady. Bizdiń kez kelgen tapsyrmany oryndaýǵa daıyn ekenimizdi elimizdegi ulan-ǵaıyr ózgeristerden de baıqaýǵa bolady. «Nur Otan» jetekshi saıası kúsh retinde, eń aldymen, árbir aımaqta, eldi mekende, kentte jáne aýylda qoǵammen jumys isteıtin jergilikti bólimshelerdiń tarmaqtalǵan jelisine arqa súıeıdi. Aldymyzda barlyq partııalyq qurylymdardyń jumysyn sapalyq jańa deńgeıge kóterý mindeti tur. Búgin biz barlyq josparlarymyz ben is-qımyl sharalaryn HV sezd sheshimderimen jáne eldi 2050 jylǵa deıin damytýdyń strategııalyq josparynyń basty qaǵıdalarymen sáıkestendirýimiz qajet.
Aýdanda partııamyzdyń 1140 múshesin biriktiretin 14 bastaýysh uıym jumys isteıdi. О́ńirlik uıym birlik pen kelisimniń besigine, tutastyq pen turaqtylyqtyń uıasyna aınaldy desem, artyq aıtqandyǵym emes. Bizde ýaqyttan oza qımyldaý úrdisi qalyptasqan. Sezden oralǵan boıda fılıaldyń barlyq bastaýysh uıymdarynda arnaıy keste qurylyp, forým sheshimderin halyqqa jetkizý maqsatynda jıyndar ótkizildi. О́zim qatysqan ardagerlermen, jastarmen, mektep oqýshylarymen, bıznes ókilderimen kezdesýlerde «Nur Otan» partııasynyń bastamalaryn qyzý qoldaýshylyq baıqaldy. Ásirese, úkimettik emes uıymdardaǵy, «Jas Otan» jastar qanatyndaǵy, «Jas ulan», «Jas qyran» balalar uıymdaryndaǵy patrıottyq qozǵalystyń jandana túskeni eńseli el bolýymyzdyń kepili dep bilemin.
– Halyqtyń qoldaýy men senimi naqty isterden kórinis beredi. Osy oraıda partııalyq qyzmetke suranystyń mazmuny da ózgere túsýi talap etiledi. Doktrınanyń ozyq tustary osynda emes pe?
– Oıyńyz oryndy. Anaý bir jyldary turǵyndardyń usaq-túıek ótinishteri kóbeıip ketkeni ras. Qoǵamnyń damýynda ol da bolmaı qoımaıtyn qubylys. Bastysy, sanadaǵy serpiliske jol asha bilýde. Partııa bul mindetti oryndaı aldy dep sanaımyn. Istiń ońtaıly tetigi máseleni durys qoıa bilýde. Aýdandyq fılıal 2012-2013 jyldary 6 konferensııa, 4 saıası keńes májilisin, 10 saıası bıýro otyrysyn shaqyrdy. Partııa músheleriniń talqylaýyna «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam is-sharasyn júzege asyrý týraly», «Qazaqstan. 2017 maqsattary. Ulttyq is-qımyl jospary», «Aq bulaq» memlekettik baǵdarlamasynyń oryndalýy týraly», «Bastaýysh partııa uıymynyń, atqarýshy organnyń jáne qoǵamdyq qurylymdar mártebesin joǵarylatý týraly», «Elbasy N.Nazarbaevtyń «Jas Otan» JQ II sezinde alǵa qoıǵan tapsyrmalardy oryndaýdaǵy Qorǵaljyn aýdandyq fılıalynyń mindetteri týraly», taǵy basqa ózekti máseleler usynyldy. Qabyldanǵan qaýly-qararlardyń oryndalýy aıryqsha nazarda ustalýy jurtshylyq kóńilinen shyǵýda.
Partııa belsendileri aýyldyq jerlerdi aralap, turǵyndar jıynyn ótkizip turady. Aýdandyq fılıaldyń qoǵamdyq qabyldaýyna 2012 jyly 90 adam, bıyl 70 kisi ózderin tolǵandyratyn máselelerimen keldi. Azamattardyń ótinish-pikiri, muń-muqtajy eskerýsiz qalmaıdy jáne olardy sheshýdi óz baqylaýymda ustap otyramyn. Sondaı-aq, partııanyń ortalyq apparaty jaýapty qyzmetkerleriniń kóshpeli qabyldaýlary, respýblıkalyq MAI-dyń «Jolda qabyldaýlary» jalǵasyn tabýda.
«Nur Otan» partııasy Aqmola oblystyq fılıalynyń tóraǵasy, oblys ákimi Qosman Aıtmuhametov sáýir aıynda aýdanymyzda qabyldaý ótkizdi. Ártúrli usynys-pikirleri, muń-muqtajymen jıyrma shaqty azamat qabyldaýda boldy. Búgingi kúni bul azamattardyń birine túsinik berilse, birine kómek kórsetilip, máseleler sheshimin tapty. Máselen, turǵyn úıge muqtaj kóp-balaly jas ana Anar Oralbekova men II top múgedegi Dúısenbaı Balmaǵanbetovtiń ótinishi qanaǵattandyryldy. Amankeldi aýyl okrýgindegi «Aq qulyn» JShS-niń basshysy joǵarydaǵy attary atalǵan kisilerge aýdan ortalyǵynan eki úı satyp alyp berdi.
Partııa músheleri bıznestiń áleýmettik jaýapkershiligi bastamasyn qoldap otyr. Taıaýda jergilikti «Nur Otan» apparaty jańa ǵımaratqa qonys aýdardy. Osy ıgi iske óz úlesin qosqan Keńbıdaıyq aýylynyń sharýashylyq basshysy Serikbaı Rahymbekovke rızalyǵymdy bildirgim keledi. Birtaban aýylyndaǵy sharýashylyq basshysy Erbol Myrzabekov eki-úsh úı ǵana qalǵan eldi mekenge jańa ekpin ákelip, týrıstik bıznesti dóńgelentip otyr. Aýylǵa jańa úıler salyndy. Al oblysymyzǵa tanymal ónerpaz Marat Álimjanov EKSPO-2017 kórmesiniń aıasynda ulttyq «Dalalyq qonaq úı» jobasyn júzege asyryp jatqany súıinishti.
– Elbasy halyq taǵdyryna qatysty «Nur Otan» atqarar mańyzdy bes máseleni kún tártibine shyǵardy. Sizdiń aýdannyń partııa uıymy bul tapsyrmalardy oryndaýda qandaı qarym-qaırat tanytpaq?
– Asa kúrdeli máselelerdiń alǵa tartylýynyń ózi partııanyń shynaıy halyqtyq mártebesin aıǵaqtaıdy. Biz osy deńgeıden kórinýge barlyq múmkindikterimizdi jumyldyramyz. Atqarylyp jatqan jumystar da barshylyq. Bıyl dıqandarymyz 80 909 gektarǵa egin seýip, tabıǵat qıyndyqtaryna qaramastan oraqty tabysty aıaqtady. Gektar túsimdiligi 12 sentnerdiń mańaıynda boldy. Bul – sońǵy jyldardaǵy joǵary kórsetkish. Dástúrli mal sharýashylyǵy da qarqyndy damyp keledi.
Aýdanymyzda 2012 jyldyń qyrkúıek aıynda «Tańdaý» ınnovasııalyq damytý ortalyǵy ashyldy. Qazirgi ýaqytta bilikti kadrlar daıarlaýǵa baǵyttalǵan «Bıznestiń jol kartasy-2020», «О́nimdilik-2020», «Jumyspen qamtý-2020» atty memlekettik baǵdarlamalardy júzege asyrý, shaǵyn jáne orta bıznesti qoldaý ortalyqtary jumys isteıdi. Aýdandaǵy «Bıznes keńesshisi» kýrsynda 28 jumyssyz adam kásibı qaıta daıarlaýdan ótip, jumysqa ornalastyrylsa, 98 kisi qoǵamdyq jumysqa tartyldy. Baǵdarlamanyń ózge baǵyttary boıynsha da nátıjeli ister atqaryldy. Tipti, tájirıbe almasý maqsatynda bıyl Ýkraınada Qorǵaljyn aýdanynyń kúnderi ótkizilgenin atap ótkim keledi.
Jastar Memleket basshysy júktegen tapsyrmalardy oryndaıtyn negizgi kúsh bolǵandyqtan, olarǵa úlken úmit artylyp otyr. Bizdiń «Jas Otan» jastar qanatynda 301 múshe bar. Olar «Jastar – Otanǵa», «Dıplommen – aýylǵa!» baǵdarlamalarynyń uıytqysy bolýda. О́tken eki jylda aýdanymyzdaǵy jas mamandarǵa 5 mln. 248 myń teńge kóterme járdemaqy, baspana alýǵa 23 mln. 329 myń teńge nesıe qarjysy bólindi. Bıyl «Dıplommen – aýylǵa!» baǵdarlamasymen 3029 myń teńge kóterme jáne 14 mln. 996 myń teńge turǵyn úı nesıesi ıgilikke jaratyldy. Sonymen qatar, aýdan ortalyǵynda aldaǵy jyly «Qoljetimdi baspana» baǵdarlamasymen 14 páterlik úı salynatyny aýyl ómirin jańǵyrtýǵa septik jasaıdy dep bilemiz.
– Taratyp aıtqan áńgimeńiz úshin rahmet.
Áńgimelesken
Baqbergen AMALBEK,
«Egemen Qazaqstan».
Aqmola oblysy.