Qazaqstanda 2020 jylǵy 1-31 jeltoqsan aralyǵynda «Kıik» keń aýqymdy tabıǵat qorǵaý aksııasy ótkizildi, dep habarlaıdy Egemen.kz.
«Ohotzooprom О́B» RMQK ınspektorlar quramy «Kıik» keń aýqymdy aksııasyn júrgizý kezinde 17 qylmystyq quqyq buzýshylyqty anyqtady. Onyń ishinde 14 kıik derıvattaryn zańsyz qoldaný boıynsha jáne 3-sırek kezdesetin janýarlar (arqar, qaraquıryq) túriniń zańsyz aýlanýy boıynsha is tirkeldi.
QR Qylmystyq kodeksiniń 339-babyna sáıkes, «Sırek kezdesetin jáne joıylyp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikterin nemese derıvattaryn zańsyz paıdalanýǵa» 3 jyldan 7 jylǵa deıingi merzimge bas bostandyǵynan aıyrý jazasy qarastyrylǵanyn esterińizge salamyz.
Sizderden brakonerlik jasaý nemese josparlaý faktisi týraly aqparat bolǵan jaǵdaıda QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń shuǵyl jelisine 87776785252 nómiri arqyly habarlasýyńyzdy suraımyz.
Eske salaıyq, «Kıik» aksııasy - aqbókenderdiń brakonerligine, olardyń derıvattaryn satýǵa mamandanǵan uıymdasqan qylmystyq toptardyń qyzmetin anyqtaý jáne jolyn kesý jumystaryn kúsheıtý maqsatyndaǵy dástúrli shara.