2021 jyly Nazarbaev Ýnıversıtetiniń Taý-ken isi jáne jer týraly ǵylymdar mektebinde ıhtıozavrdyń tolyq ólshemdi qańqasy ornatylady dep kútilýde. Qaıta qurý boıynsha aýqymdy jobaǵa Shveısarııa Iýra murajaıynyń paleontology, NÝ qaýymdastyrylǵan professory Loran Rıshar, sondaı-aq geologııa fakýltetiniń stýdentteri jetekshilik etetin bolady, dep habarlaıdy Egemen.kz.
Aıta keteıik, joba bir jyl buryn bastalǵan bolatyn, ol kezde Belgııanyń ǵalymy, Nazarbaev Ýnıversıtetiniń oqytýshysy Loran Rısharmen Oral qalasynyń "Jas geolog" uıymynan habarlasqan bolatyn. 2018 jyldyń naýryz aıynda Batys Qazaqstan oblysynda ıhtıozavrdyń súıegi tabylǵany belgili boldy. Sol kezde tabylǵan zatty zertteý úshin reseılik ǵalym Vladımır Efımov shaqyryldy, ol tabylǵan ıhtıozavr teńizde ómir súrgen, barlyq dınozavrlardyń eń kóne túri ekenin aıtty.
"Bizge Oraldan "Jas geolog" uıymy arqyly habarlasyp, ıhtıozavrdyń qańqasyn bizdiń Taý-ken isi jáne jer týraly ǵylymdar mektebimizde ustaýǵa múddelimiz be dep surady. Biz birden Oralǵa ushyp baryp, jáshikterdegi qańqamen oraldyq. Bul bizge paleontologııa sabaqtaryna qatysatyn kóptegen geolog stýdentterdiń óz sabaqtarynda ıhtıozavrdyń qańqasyn jınaýǵa múmkindigi bar degen maǵynada biregeı bilim berý jobasy boıynsha jumysty bastaýǵa múmkindik berdi", - dedi Loran Rıshar.
Ol jobanyń osy "geologııalyq muranyń keremet bóligin" Qazaqstan sheginde saqtaýǵa múmkindik beretinimen de mańyzdy ekenin atap ótti. Áıtpese, qaldyqtar Reseıge jiberilýi múmkin, ol jerden ony jeke kolleksııalarǵa ońaı satylar edi dep, ǵalym óz boljamdarymen bólisti.
Professor Qazaqstannyń paleontologııalyq nysandaryn el ishinde saqtaý úshin shveısarııalyq Iýra murajaıyndaǵy áriptesimen odan ári yntymaqtasýǵa nıetti.
"Biz basqa qaldyqtardy da qutqarýdy bastaı alamyz. Mysaly, Qarataý aýdanynda Iýra dáýirindegi qustardyń súıekterin jáne basqa da kóptegen ádemi qustardy kezdestirýge bolady, tabylǵan nysandardyń kópshiligi qazir Máskeýde. Qazaqstanda is júzinde eshteńe qalmady. Sondyqtan, eger biz osyndaı jobalarmen jumys isteı bastasaq, men áriptesterimmen birge Qarataýǵa baryp, qustardy izdesem, biz olardy osynda, Qazaqstanda saqtap, kópshilikke tanystyra alamyz", - dedi sarapshy.