Ekologııa, geologııa jáne tabıǵı resýrstar mınıstrliginiń klımattyq saıasat departamenti dırektorynyń orynbasary Zúlfııa Súleımenova Parlament Májilisine Nur Otan partııasy atynan depýtat bolatyn azamattar qataryna kirdi. Mınıstr Maǵzum Myrzaǵalıev mamandy Twitter paraqshasynda quttyqtady, dep habarlaıdy Egemen.kz.
«Japonııadaǵy saıası zertteý ınstıtýtynda doktorantýrada oqyǵan, Prezıdenttik jastar kadrlyq rezervinde bolǵan Zúlfııa Súleımenova Mınıstrlik qabyrǵasynda óziniń biliktiligin barynsha kórsete bildi. Zúlfııa buǵan deıin BUU-nyń Azııa jáne Tynyq muhıty aımaǵy úshin áleýmettik jáne ekonomıkalyq komıssııasynda qorshaǵan ortany qorǵaý jáne damý dıvızıonynda jumys istedi»,- dep jazdy mınıstr.
Z. Súleımenova qazir ǵalamdyq jylyný, Qazaqstandaǵy muzdyqtar men aýyzsý tapshylyǵy sekildi asa ózekti máselelerdi zerttep júr.
«Maman bar tájirıbesin Májiliste de halyq ıgiligine tıimdi qoldanatynyna senim bildiremin»,- dedi M.Myrzaǵalıev.