Qaraǵandydaǵy uıymdasqan qylmystyq top memleketke 537 mıllıon teńge shyǵyn keltirdi, dep habarlaıdy Egemen.kz.
Qazaqstan Respýblıkasy Qarjy mınıstrligi Qarjy monıtorıngi komıtetiniń Qaraǵandy oblysy boıynsha ekonomıkalyq tergeý departamentiniń qyzmetkerleri jedel-izdestirý is-sharalarynyń nátıjesinde 2017-2020 jyldar aralyǵynda áreket etken uıymdasqan qylmystyq topty áshkereledi. Bul uıym Qaraǵandy aýmaǵynda taýar jetkizbesten jalǵan shot-faktýralar berý arqyly zańsyz is-árekettermen aınalysqan.
7 adamnan turatyn qylmystyq top, baqylanatyn kásiporyndar basshysy bolyp tirkelgen sybaılastarymen birge tirkeý oryndary úshin úıler izdep, jalǵa alǵan, sonymen qosa ekinshi deńgeıdegi bankterden aqshany qolma-qol etip aıyrbastap otyrǵan.
Toptyń qylmystyq áreketteri nátıjesinde memleketke keltirilgen zalaldyń mólsheri 537 mıllıon teńgeni qurady.
Komıtet 2020 jyldyń 27 jeltoqsanynda qylmystyq is óndirispen aıaqtalǵanyn, sonyń nátıjesinde bekitilgen aıyptaý qorytyndysymen sotqa jiberilgenin qosty.
Aıda ORALBEK