Almaty oblysynda terisin alý maqsatynda úıinde qasqyr ustap, dala taǵysyn qatigezdikpen óltirip júrgen turǵyn anyqtaldy, dep habarlaıdy Egemen.kz. Jabaıy ańǵa qol salyp júrgenderdi alǵash bolyp zoo-eriktiler baıqaǵan.
«Almaty oblysyndaǵy jekemenshik úıde terisin alý maqsatynda qasqyrlar óltiriledi, olardan kilemsheler jasalyp, Internette satylady», dedi zoo-eriktiler.
Instagramdaǵy @zoohome_almaty paraqshasynda Almaty oblysyndaǵy jekemenshik úıde túsirilgen kadrlar paıda boldy. Olardan qoryqqan qasqyrdyń las qorshaýdyń buryshyna tyǵylyp qalǵany kórsetilgen. Onymen qosa janýardyń óte aryqtap ketkenin de baıqaýǵa bolady.
Taǵy bir vıdeoda eriktiler óltirilgen janýarlardyń terileri shashylyp jatqan bólmeni kórsetken. Sondaı-aq, qasqyrdyń terileri úıdiń qasbetinde ilýli tur.
Eriktiler is munymen bitpegenine renjýli. Úı aldynda dala túlkilerine uqsas terisi alynǵan janýarlar qap-qabymen turǵany da baıqalady. Eriktiler óz qarajatyna tiri janýarlardy satyp alǵanymen,ǵ ony aparatyn jer tappaı otyr. О́ıtkeni, zooparkter qaıdan kelgeni belgisiz janýarlardy qabyldaýdan bas tartypy otyr.
Al jergilikti quzyrly organdar áli resmı málimdeme jasaǵan joq.
Aıda ORALBEK