Almaty ákimdigi áleýmettik jobalardy iske asyrý aıasynda "Belsendi uzaq ómir" jol kartasy boıynsha jumysyn jalǵastyryp otyr. Mindeti-aǵa urpaqty belsendi zııatkerlik, shyǵarmashylyq, qoǵamdyq qyzmetke tartý arqyly ómirlerin uzartyp, qart adamdardyń qoǵamdaǵy rólin arttyrý.
Almatyda Belsendi uzaq ómir súrýge septesetin 9 ortalyq bar. 21 myńnan astam adam tirkelgen, 300,7 myń adam qyzmettermen qamtylǵan.
2020 jyly TJ jarııalanýyna baılanysty BUО́ qashyqtan qyzmet kórsetti. Gerıatordyń, psıhologtyń, medbıkeniń keńesteri onlaın nemese telefon arqyly júrgizildi. Skandınavııalyq júris, oqytý kýrstary, shahmat, bı jáne t.b. boıynsha sabaqtar onlaın ótkizildi. Barlyǵy 4 706 zeınetker onlaın qyzmet aldy. Qarttar kúni men aılyǵyna arnalǵan is-sharalarǵa 1,5 myń adam qatysty. Sonymen qatar, 200 zeınetker úshin ekskýrsııalar ótkizildi.
Budan basqa, Almaty ákimi Baqytjan Saǵyntaevtyń tapsyrmasymen "Shyńǵa órleý" áleýmettik klýby jobasyn iske asyrý bastaldy. Maqsaty-kishi mektep jasyndaǵy balalarǵa ómirlik tájirıbe, bilim men daǵdylardy berý arqyly qıyn ómirlik jaǵdaıǵa tap bolǵan aǵa býyn ókilderin qoǵamdyq ómirge tartý. Klýbtyń ókilderi zeınetkerler, eńbekke qabiletti múgedek adamdar, az qamtylǵan kópbalaly otbasylardan shyqqan 1-4 synyp balalary, erekshe qajettilikteri bar balalar boldy. Onlaın rejıminde az qamtylǵan otbasylardan shyqqan 510 bala klýbtarmen qamtyldy. Offlaın rejıminde 390 bala oqıdy. Zeınetkerler men múgedektigi bar adamdardan 72 pedagog jumysqa ornalastyryldy.
Almatyda iske asyrylyp jatqan áleýmettik jobalar arasynda - "Táýelsiz ómir mektebi", onda óz múmkindikterin bilmeý jáne/nemese otbasy tarapynan gıper-qamqorlyq saldarynan qoǵamnan oqshaý turatyn múgedek adamdardy qoldaý sharalary kórsetiledi. Múgedektikke baılanysty qorqynysh pen belgisizdikti jeńý, ózin-ózi baǵalaýdy arttyrý jáne maqsat qoıý daǵdylaryn qalyptastyrý jáne óz ómirin josparlaý boıynsha jumystar júrgizilýde. 48 múgedek adam jattyqtyrýshylardyń qatysýymen "Aq Bastaý" saýyqtyrý pansıonatyna baryp, turý arqyly 7 kúndik kýrstarda oqydy. Sondaı - aq, 172 adamdy qamtı otyryp, "TenQogam "múmkindigi shekteýli adamdardy jumysqa ornalastyrý ortalyǵy" jobasy iske asyrylýda. Maqsaty-múgedek adamdarǵa biliktilik alýǵa, jumysqa ornalastyrý jáne óz áleýetin iske asyrý úshin bilim men daǵdylardy alýǵa kómek kórsetý.