Búgin VII shaqyrylymdaǵy qala máslıhatynyń birinshi sessııasynda sóz sóılegen Almaty ákimi Baqytjan Saǵyntaev birqatar ózekti mindetterdi atap ótti, olardy sheshýge máslıhat depýtattary megapolıs ákimdigimen birge kirisetin bolady dep habarlaıdy Egemen.kz
Basty baǵyttardyń biri – jumys oryndaryn qurý. Almaty ákiminiń tapsyrýy boıynsha qalada jumyssyzdyqty azaıtý jóninde Jol kartasy ázirlenýde. Negizgi maqsat – jumyssyzdyq deńgeıin aldaǵy bes jylda 5,1%-ǵa deıin tómendetý. Sonymen qatar, ortasha jalaqyny 320 myń teńgege deıin arttyrý jáne 240 myńnan astam jumys ornyn qurý.
«Jańa Almaty» Keshendi jospary aıasynda qala shetin damytý jáne ómir súrý sapasyn jaqsartý maqsatynda aǵymdaǵy jyly bıýdjetten 85 mlrd teńgeden astam qarjy qarastyrylǵan. Jalpy, jyl ishinde barlyq qarjy kózderinen shamamen 200 mlrd teńgege jýyq qarajat bólý josparlanýda.
Qalany tolyq jaryqtandyrý boıynsha jumystar júrýde, munda jaryq múldem bolmaǵan oryndarǵa erekshe nazar aýdarylýda. Tek 2020 jyly 1,4 myńnan astam kóshe jaryqtandyryldy, aǵymdaǵy jyly bul jumys aıaqtalady, taǵy 600-den astam kósheni jaryqtandyrý qajet. 2023 jylǵa qaraı biz qala turǵyndarynyń 99,3%-yn sapaly aýyz sýmen, 100% gaz jáne kósheni jaryqtandyrýmen qamtamasyz etýimiz qajet.
ShOB-ty qoldaý maqsatynda júıeli sharalar qabyldandy. Memlekettik jáne óńirlik baǵdarlamalar aıasynda jyl saıyn shaǵyn jáne orta bızneske keminde 30 mıllıard teńge nesıe bólinedi. 5 jyl ishinde qalanyń JО́О́-de ShOB úlesin 40%-dan 45%-ǵa deıin arttyrý josparlanýda.
Bes jyl ishinde NEET sanatyndaǵy 3 myńnan astam jastar ókili kásibı oqýdan ótedi. «Jasyl el» aıasynda 5 myń jas ýaqytsha jumys oryndarymen qamtylady. 25 JOO 16 myń oryndy 38 jataqhana, kolledjderde 600 oryndy 2 jataqhana salynady. Jaldamaly turǵyn úı baǵdarlamasy boıynsha jumysshy jastarǵa 5 myńnan astam páter beriledi.
Bıyl halyqty áleýmettik qorǵaýǵa 39,9 mlrd teńge bólindi. Áleýmettik ınfraqurylymdy damytý aıasynda aǵymdaǵy jyly 12600 oryndy 8 mekteptiń, 8388 oryndy 17 jańa korpýstyń (qosalqy nysan), 640 oryndy 4 memlekettik balabaqshanyń qurylysyn aıaqtaý qajet. Densaýlyq saqtaý salasynda 5 nysan salynatyn bolady.
Ekologııa salasynda JEO-2 modernızasııalaý bes jyl ishinde aıaqtalady, qatqyl turmystyq qaldyqtardy qaıta óńdeý men ýtılızasııalaýdyń úlesi 11%-dan 24%-ǵa deıin artty, qaladaǵy jasyl alqaptar aýmaǵy 14 mln sharshy metrden 16,8 mln sharshy metrge deıin ulǵaıdy.
Sessııanyń sońynda Almaty ákimi Baqytjan Saǵyntaev jańarǵan máslıhat depýtattaryn almatylyqtardyń ómirin jaqsartý jónindegi alda turǵan mindetterdi sheshý úshin kúsh-jigerlerin biriktirýge shaqyrdy. Sonymen qatar, megapolıs ákimi máslıhattyń jańa saıası róli onyń qala turǵyndarymen baılanystaǵy mańyzdy kommýnıkasııalyq býyn ekenin erekshe atap ótti. «Sizderdiń qalalyqtarmen belsendi jumysy jasaıtyndaryńyzǵa senimdimin», - dedi B. Saǵyntaev.