О́skemen garnızonynyń 27943 áskerı bóliminde 2021 jyldyń birinshi oqý kezeńinde bólimshelerdiń, eseptoptardyń, qurylymdar qondyrǵylarynyń jaýyngerlik atysy júrgizilip jatyr, dep habarlaıdy Egemen.kz
Atysqa tartylǵan barlyq qurylymdar 27943 áskerı bóliminiń josparyna sáıkes, jaýyngerlik mashınalar parkine kelip, shartty aýdanǵa marshty júzege asyrý jóninde oqý-jaýyngerlik tapsyrma aldy.
Jeke quramnyń qımyly anyqtalǵan soń, kolonna oqý polıgonyna jol tartty. Marsh kezinde motoatqyshtar bólimsheleri taktıkalyq daıyndyq boıynsha normatıvterdi oryndaýdan sheberlikterin shyńdady.
Oqý polıgonynda motoatqyshtar jáne barlaý bólimsheleriniń jaýyngerlik atysyn sapaly júrgizý maqsatynda barlaý rotasynyń komandırleri túrli taqyryptarda nusqaýlyq-ádistemelik dárister ótkizdi.
Sondaı-aq, dıversantty-barlaý toptary men eseptoptar áýedegi qarsylastyń shabýyldary kezindegi jáne zalalsyzdandyrylmaǵan aýdandy júrip ótýdegi qımyldardy da meńgerdi.
Jaýyngerlik atysty «Shyǵys» óńirlik qolbasshylyq áskerleriniń qolbasshysy, general-maıor - Asan Júsipov qadaǵalady.