Búgin Reseıdiń Sochı qalasynda Brave CF jáne Krepost Selection FC promoýshenderiniń uıymdastyrýymen aralas jekpe-jekten halyqaralyq týrnır ótedi.
Aıtýly jarysta Qazaqstannyń qos sportshysy óner kórsetedi. Osyǵan deıin ótkizgen 13 kezdesýdiń tek ekeýinde ǵana utylǵan Nurjan Aqyshev Roman Bogatovpen kúsh synasady. Reseı sportshysy 11 básekeniń tek bireýinde ǵana ese jibergen. Kezinde ol UFC-de óner kórsetti. Al Fedor Babıch (4-4) taǵy bir reseılik jekpe-jek sheberi Murat Bılarovpen (3-1) aıqasady.
Al osy keshtiń basty jekpe-jegi reseılik Eldar Eldarov (12-1) pen brazılııalyq Leonardo Mafra Teısheıra (15-5) arasynda ótedi. Sondaı-aq, Reseıdiń qos myqtysy – Álı Bagaýtdınov (19-7) pen Oleg Lıchkovaha (13-4-0-2) arasyndaǵy báseke de jankúıerlerdiń erekshe qyzyǵýshylyǵyn týdyryp otyr.