Reseıdiń Iаroslavl qalasynda frıstaıl-akrobatıkadan Álem kýbogy kezeńinde aralas komandalyq saıys boıynsha básekeler aıaqtaldy. Jarys qorytyndysy boıynsha Qazaqstan 7-orynǵa taban tiredi, dep habarlady UOK baspasóz qyzmeti.
Aralas komandalyq básekege Qazaqstan quramasynan Janbota Aldabergenova, Aqmarjan Qalmyrzaeva jáne Sherzod Hashırbaev qatysty. Jarys barysynda otandastarymyz jalpy sany 239.40 upaı jınap, básekeni jetinshi orynmen aıaqtady.
Álem kýbogynyń qorytyndysy boıynsha Reseı quramasynyń eki komandasy birinshi jáne ekinshi orynǵa ıe boldy. Al Shveısarııa komandasy úzdik úshtikti qorytyndylady.