Úkimet músheleriniń kandıdatýralary kelisildi

Tómengi palatanyń Qarjy jáne bıýdjet komıtetiniń múshelerine Pre­mer-Mınıstriniń birinshi oryn­basary etip taǵaıyndaý úshin Álı­han Ashanuly Smaıylovtyń kandı­datýrasy usynyldy. Al Úkimet basshy­synyń orynbasarlary qyz­met­terine usynylǵan Roman Vası­levıch Sklıar men Eraly Luqpanuly Toǵjanovtyń kandıdatýralary Májilistiń Ekonomıkalyq reforma jáne óńirlik damý komıteti men Áleýmettik-mádenı damý komıtetine engen depýtattarǵa tanystyryldy.

Úmitkerler qalyptasqan rá­sim boıynsha depýtattardyń suraq­ta­ryna jaýap berip, Memleket bas­shysynyń Parlamenttiń VII shaqy­rylymdaǵy I sessııasynyń ashy­lýynda bergen tap­syrmalaryn iske asyrýdaǵy basym­dyqtar, sondaı-aq ózderi jetekshilik etetin baǵyttar boıynsha jumysty odan ári uıymdastyrý jaıly baıandady.

Máselen, Álıhan Smaıylovqa sa­lyq mindettemelerin oryndaýdy jeńildetýge, salyqtar men tólemder sanyn qysqartýǵa, bıýdjettiń mu­naı­lyq emes tapshylyǵynyń mólsherin azaıtýǵa jáne jańa salyq saıasatyna qatysty basqa da suraqtar qoıyldy.

Roman Sklıarǵa depýtattar kólik­tiń barlyq túrimen tranzıttik júk­terdi tasymaldaý kólemin ulǵaıtý, ekonomıkanyń basym salalarynda iri strategııalyq ınvestısııalyq jobalar pýlyn qalyptastyrý, son­daı-aq otandyq taýarlar óndiri­sin arttyrý jáne jumys istep turǵan kásiporyndardy shıkizatpen qam­ta­masyz etý týraly suraqtar qoıdy. Jergilikti mańyzy bar avtomobıl jol­daryn salýdy qarjylandyrý, aýyldyq eldi mekenderdi gazben qam­tamasyz etý máseleleri de kóte­rildi. 

Eraly Toǵjanovqa depýtattar ta­ra­pynan aýyldyq jerlerdegi medı­­sı­nalyq jáne pedagogıkalyq kadr­lar­dyń tapshylyǵy, jańa mektep­ter sa­lý jáne jumys oryndaryn qu­rý sııaqty áleýmettik saladaǵy ózek­ti má­selelerga qatysty suraqtar qo­ıyl­dy.

Májilis depýtattary mınıstr laýazymyna alǵash ret usynylǵan úmitkerlerge kóbirek suraq qoıdy. Atap aıtqanda, Ulttyq ekono­mı­ka mınıstri laýazymyna usy­nyl­ǵan Áset Erǵalıevtiń kandıda­tý­­ra­syn kelisý kezinde shaǵyn já­­ne orta bıznestiń úlesin art­ty­rý, memlekettik basqarýdy orta­lyq­­­syzdandyrý jáne óńirlerdegi bıýd­jetaralyq qatynastardy jetil­dirý jaı­ly múddeli áńgime boldy. Eń­bek jáne halyqty áleýmettik qorǵaý mı­nıstri laýazymyna usynylǵan Se­rik Shapkenov zeınetaqy júıesin da­­mytý, eń tómengi bazalyq áleý­met­tik standarttardy jetildirý, eń­­bek naryǵyndaǵy suranysqa ıe ma­man­dyqtar qajettiligin boljaý ádis­te­m­esi jáne basqa ózekti máse­leler haqynda óz oı-pikirlerin or­taǵa saldy.

Májilismender óz sózderinde iske asyrylyp jatqan barlyq baǵ­dar­lamany aıaǵyna deıin jetkizý jáne eldiń daǵdarystan keıingi damýy úshin sabaqtastyqty qamtamasyz etý mańyzdy ekenin atap aıtty.

Májilis komıtetteri otyrys­tarynyń qorytyndysy boıynsha joǵary laýazymdarǵa taǵaıyndaý úshin usynylǵan kandıdatýralardy maquldaý týraly sheshimder qabyldandy.