Shyǵys Qazaqstan oblysy turǵyndarynyń 20 paıyzyna koronavırýs vaksınasyn salý josparlanýda, dep habarlaıdy Egemen.kz
Qazaqstanda COVID-19-ǵa qarsy vaksınasııa aqpan aıynda bastalmaq. Eń aldymen vaksına medısına qyzmetkerleri men muǵalimderge salynady.
«18 jastan asqan barlyq adamdar koronavırýs ınfeksııasyna qarsy vaksınasııalaýǵa jatady. Ekpe vaksınanyń túsýin eskere otyryp, kezeń-kezeńimen júrgiziledi. Eń aldymen, ınfeksııanyń taralý qaýpi joǵary halyqtyń eń osal toby – jedel járdem, reanımasııa bólimsheleri men aýrýhanalardyń qabyldaý bólmelerindegi medısına qyzmetkerlerine vaksına egile bastaıdy. Ekinshi kezeńde jalpy bilim beretin mektepterdiń, arnaıy-orta oqý oryndarynyń, ýnıversıtetterdiń pedagogtary, al úshinshi kezeńde mektep-ınternattardyń, mektepke deıingi balalar mekemeleriniń pedagogtary, stýdentter, sozylmaly aýrýlary bar adamdar ótedi», dep habarlady ShQO densaýlyq saqtaý basqarmasy.
COVID-19-ǵa qarsy vaksınasııa erikti negizde ǵana júrgiziledi. Qazaqstan Respýblıkasynyń «Halyq densaýlyǵy jáne densaýlyq saqtaý júıesi týraly» Kodeksiniń 77-babyna sáıkes azamattar profılaktıkalyq vaksınasııadan bas tartýǵa quqyly.
Aıta keteıik, Qazaqstanda tirkelgen barlyq vaksınalar medısınalyq uıymdarǵa túspeı turyp, olardyń qaýipsizdigi men sapasyna tekserý júrgiziledi. Bul naryqqa tek tıimdi jáne qaýipsiz vaksınalardyń jiberilýin qamtamasyz etýge múmkindik beredi. Basqarma málimetine súıensek, bıyl Shyǵys Qazaqstan turǵyndarynyń 20%-yna COVID-19-ǵa qarsy vaksına egý josparlanyp otyr.