El Táýelsizdiginiń 30 jyldyǵyna oraı, «Uly Dala Jastary» atty III Respýblıkalyq jas horeograftar baıqaýynyń qorytyndysy shyqty.Saıystyń jeńimpazdary T.Q. Júrgenov atyndaǵy Qazaq ulttyq óner akademııasyna shyǵarmashylyq emtıhansyz qabyldaný múmkindigine ıe bolǵan. Sharanyń maqsaty da sol Qazaqstannyń ár óńirinen áleýetti, talantty jastardy tartý, olardyń shyńdalýyna qoldaý bildirý.
Atalǵan bilim ordasynyń «Horeografııa» fakýlteti uıymdastyrǵan óner báıgesi karantındik shekteýlermen baılanysty onlaın formatynda ótken. Konkýrsqa qatysýshylardyń barlyq jumystary táýelsiz tóraǵanyń basshylyǵymen joǵary bilikti qazylar quramymen qaralyp, baǵalanǵan. Qazaqstannyń eńbek sińirgen qaıratkeri, Qazaq ulttyq horeografııa akademııasynyń professory A.T.Alısheva qazylar alqasynyń tóraǵasy bolsa, qazylar alqasynyń músheleri óner oshaǵyna aınalǵan Júrgenov akademııasynyń beldi ustazdar qaýymynan quralǵan.
«Uly Dala Jastary» bıyl úshinshi márte jalǵasyn taýyp otyr. Táýelsizdigimizdiń 30 jyldyǵy qarsańynda uıymdastyrylǵan baıqaýdy pandemııa jaǵdaılaryna baılanysty, karantındik shekteýlerdi saqtaı otyryp, onlaın formatynda ótkizýdi qup kórdik. Bul biz úshin úlken tájirbıe boldy. Osy tusta, talantty jasqa serpin beretin osy bastamanyń negizgi qoldaýshysy bolǵan akademııa rektory Abdýalıev Aqan Jylqyshybaıulyna alǵysymyzdy jetkizgim keledi. Jáne ekrannyń arǵy jaǵynan bolsa da, baryn salyp, boıyndaǵy darynyn kórsetýge tyrysyp baqqan qatysýshylarǵa da shynaıy tánti boldyq», - deıdi horeografııa fakýltetiniń dekany Dmıtrıı Sýshkov.
Baıqaýǵa qatysý úshin úmitkerler 7 qańtarǵa deıin óz ótinimderimen qosa materıaldaryn uıymdastyrýshylar aldyn ala habarlaǵan mekenjaı boıynsha jibergen. Aıta óteıik, qatysýshylar 2 aınalym boıynsha baqtaryn synady. Baıqaýdyń jumystary 11-13 qańtar aralyǵynda qaralǵan. Sonymen, baıqaý nátıjeleri tómendegideı:
«Horeografııa pedagogıkasy» daıyndyq beıini boıynsha:
1 oryn – Beıbitova Aıajan Qýatqyzy (Abaı atyndaǵy Jambyl gýmanıtarlyq kolledji) 2 oryn - Ýahıtova Gúlnur Erkinqyzy (Táttimbet atyndaǵy Qaraǵandy óner kolledji) .«Qazirgi zamanǵy horeografııa pedagogıkasy» daıyndyq beıini boıynsha»:
1 oryn – Dúzelbek Nurdana Ermekbaıqyzy (Táttimbet atyndaǵy Qaraǵandy óner kolledji) 2 oryn - Turysbekova Saıa Erikbekqyzy ( M.Tólebaev atyndaǵy mýzykalyq ýchılısheniń túlegi) 3 oryn – Ǵumar Dıana Maratovna (Táttimbet atyndaǵy Qaraǵandy óner kolledji)«Baletmeısterlik óner» daıyndyq baǵyty boıynsha»:
1 oryn – Jaksylykova Aıda Maýlenovna (A. V. Seleznev atyndaǵy Almaty horeografııalyq ýchılıshesiniń túlegi)Sondaı-aq, QR Táýelsizdiginiń 30 jyldyǵyna oraı qolǵa alynǵan is-sharalardyń legi jalǵasady. Ol akademııa josparyna enip otyr.
Rasynda, mádenıettiń tarıhı datanyń mańyzyn uǵyndyrýǵa, jas urpaqtyń boıyna otansúıgishtik qasıetterin uıalatýǵa qaýqary jetetini anyq.