Sadyr Japarov merziminen buryn ótken prezıdent saılaýynda jeńiske jetkennen keıin Qyrǵyzstan úkimeti otstavkaǵa ketti, dep habarlaıdy Egemen.kz
Prezıdenttiń mindetin atqarýshy – Jogorký Kenesh (Parlament) tóraǵasy Talant Mamytov Sadyr Japarovtyń premer-mınıstr ókilettigin toqtatý týraly jarlyqqa qol qoıdy. Sonymen qatar, mınıstrler kabıneti de otstavkaǵa ketti.
Úkimet músheleri jańa quram qurylǵanǵa deıin óz mindetterin atqaratyn boldy. Qyrǵyzstan premer-mınıstriniń mindetin atqarýshy Artem Novıkov bolady.Mınıstrler kabınetin otstavkaǵa jiberý týraly sheshimdi Sadyr Japarov OSK daýys berý qorytyndylaryn resmı jarııalaǵannan keıin qabyldady.
Eldiń altynshy prezıdentin ulyqtaý rásimi 28 qańtarda ótedi.
Aıta keteıik, Qyrǵyzstandaǵy merziminen buryn prezıdenttik saılaý Qazaqstandaǵy parlamenttik saılaýmen bir kúni – 10 qańtarda ótti.