Harkov qalasynda qarttar úıi bolǵan eki qabatty ǵımarat órtendi, dep habarlaıdy Egemen.kz
«21 qańtarda jergilikti ýaqytpen saǵat 15:03-te (elorda ýaqytymen 19:03) Harkov qalasynyń Nıjnıaıa Gıevskıa kóshesindegi 150 B-úı órtendi. О́rt qarttar úıi bolǵan nysannyń ekinshi qabatynda bastalǵan. Saǵat 16:05-te ǵımarattan ólgen 15 adamnyń denesi tabyldy, taǵy 5 adam zardap shekken», delingen qalalyq tótenshe jaǵdaılar jónindegi qyzmet taratqan habarlamada.
Jalyn 100 sharshy metr aýmaqty sharpyǵan. Ony sóndirýge 28 maman jáne 7 tehnıka jumyldyrylǵan.
Qaıǵyly oqıǵa memlekettik deńgeıdegi tótenshe jaǵdaı dep belgilendi. Qalalyq keńes saǵat 17-de oqıǵaǵa qatysty otyrys ótkizetin boldy.