Elorda jaqynda epıdemıologııa jaǵdaıǵa baılanysty «qyzyl aımaqqa» endi. Nur-Sultannyń bas sanıtarlyq dárigeri Sarhat Beısenovanyń aqparatyna sáıkes, COVID-19 ınfeksııasynyń aptalyq ósimi baıqalady.
Indettiń ósýi qala turǵyndarynyń áleýmettik qashyqtyq erejelerin jáne basqa da sanıtarlyq talaptardy buzýymen baılanysty. Osyǵan baılanysty reıdter kúsheıtilmek. Sanıtarlyq sharalar saqtalmasa jaǵdaı kez-kelgen ýaqytta nasharlaýy múmkin.
«Eger halyq arasynda juqtyrý sany artatyn bolsa, biz qatań shekteý sharalaryn kezeń-kezeńmen nemese birden engizýge májbúr bolamyz. Aýyryp qalýymyz tikeleı ózimizge baılanysty. Muny este saqtaý qajet. Elordadaǵy epıdemıologııalyq jaǵdaı qazir «turaqsyz». Alaıda turǵyndar medısınalyq betperde kııý, áleýmettik qashyqtyqty saqtaý, buqaralyq is-sharalar ótkizbeý, adamdar kóp jınalatyn oryndarǵa barýdan aýlaq bolý sııaqty qarapaıym erejelerdi buljytpaı saqtaıtyn bolsa, qatań sharalar qabyldaý týraly oıymyzdan bas tartýymyz múmkin», dep atap ótti elordanyń bas sanıtarlyq dárigeri Sarhat Beısenova.