Atyraýda tań qarańǵysynda 35 jastaǵy azamatshany tonaǵan jigit ustaldy, - dep habarlaıdy Egemen.kz
Oblystyq polısııa departamenti baspasóz qyzmetiniń málimetinshe, qylmys tańǵy saǵat 07:48 shamasynda bolǵan.
«Tonaý qylmysyna kúdikti Atyraý qalasyndaǵy Vokzal mańy-5 shaǵyn aýdanynda ornalasqan №16 kóp qabatty úı mańynda 35 jastaǵy azamatshaǵa kúsh kórsetip, qolyndaǵy sómkesin tartyp alǵan. Sóıtip, oqıǵa ornynan boı tasalap, qashyp ketken. Jábirlenýshiniń sómkesinde 3000 teńgesi, «Samsung» uıaly telefony, ámııany bolǵan» -dep habarplady departamenttiń baspasóz qyzmetinen.
Oqıǵa ornyna jedel jetken patrýldik polısııa batalonynyń qyzmetkerleri sanaýly mınýtta jaqyn mańnan 26 jastaǵy kúdiktini aıǵaq zattarmen ustady. Qazir atalǵan derekke qatysty QR Qylmystyq Kodeksiniń 191-baby, 2-bóliginiń 1 tarmaǵymen tergeý bastaldy.