Qazaqstannyń tanymal shańǵyshysy Nıkolaı Chebotko 24 qańtarǵa qaraǵan túni Aqmola oblysynyń Býrabaı kentiniń mańynda jol apatynan qaıtys boldy, dep habarlaıdy Egemen.kz.
Nıkolaı Sergeıuly 1982 jyldyń 29 qazanynda Aqmola oblysynyń Shýchınsk qalasynda dúnıege keldi. Sol jerde shańǵy sportynyń qyr-syryna qanyǵyp, ýaqyt oza eleýli tabystarǵa qol jetkizdi. Atap aıtsaq, 2013 jyly Italııada ótken álem chempıonatynyń qola medalin moınyna ildi. Tórt birdeı Azııa oıyndaryna qatysyp, 3 altyn, 4 kúmis jáne 2 qola medaldi oljalady. 2002 jyly Solt-Leık-Sıtı, 2006 jyly Týrın jáne 2010 jyly Vankýver Olımpıadalarynda baq synady. Sonymen qatar, ol basqa da kóptegen halyqaralyq jarystarda da jeńis tuǵyryna kóterildi. Nıkolaı Chebotko nebary 38 jasta edi...