Italııanyń Trıesta qalasynda sý dobynan bıyl Japonııanyń bas shahary – Tokıoda alaýy tutanatyn Olımpııa oıyndarynyń irikteý týrnıri aıaqtaldy.
О́kinishke qaraı, Qazaqstannyń áıelder quramasy bul jarysta kózdegen maqsatyna qol jetkize almady. Toptyq týrnırde Grekııa (5:13) men Majarstannan (6:23) utylǵan jerlesterimiz Izraılmen (7:7) teń tústi. Ekinshi kezeńde Nıderlandtan (6:19) jeńilip, Slovakııadan (11:10) basym tústi. Týrnırdiń sońǵy kúni fransýzdarǵa 10:13 esebimen ese jiberdik. Nátıjesi – altynshy oryn.
Trıestadaǵy týrnırdiń qorytyndysy boıynsha alǵashqy eki oryndy ıelengen komanda Olımpııa oıyndarynyń joldamasyna ıelik etti. Olar – Majarstan men Nıderland. Al oǵan deıin AQSh, Kanada, Japonııa, Qytaı, Aýstralııa, OAR, Ispanııa jáne Reseı quramalary dál sondaı qurmetke bólengen edi.