Atyraýda I toptaǵy múgedek Lázzat Seıilhanova 2008 jyly Kaspıı óńiriniń qazirgi zamanǵy kolledjin zańger mamandyǵymen bitiripti. Alaıda, osy kezge deıin dıplomyn almapty. Onyń dıplomyn alýy úshin oqý aqysyna tóleıtin qarjysy bolmaǵan eken, dep habarlaıdy Egemen.kz
Jaqynda oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Serik Qamıdolla múmkindigi shekteýli jannyń dıplomyn alýyna qol ushyn sozdy.
«Lázzattyń armanyn oryndaý úshin kolledj basshylarymen sóılestim. Bilim ordasymen kelisimge keldik. Endi Lázzat dıplomyn qolyna aldy. Onyń qalaı qýanǵanyn sózben aıtyp jetkizý múmkin emes» deıdi Serik Qamıdolla.