Úkimettiń keńeıtilgen otyrysynda Premer-Mınıstr Asqar Mamın Ulttyq biryńǵaı testileýdiń tolyǵymen elektrondy formatqa kóshiriletinin aıtty, dep habarlaıdy Egemen.kz.
Asqar Mamınniń aıtýynsha, Úkimet básekege qabiletti adamı kapıtaldy damytý boıynsha jumys isteıdi. Ony halyqaralyq tájirıbe negizinde balalardy erte damytý jónindegi ulttyq josparǵa engizbek.
«Mektepke deıingi bilim berýdiń jańa modelin engizý jáne qosymsha bilim berýdi jan basyna qarjylandyrý arqyly 3-6 jas aralyǵyndaǵy balalardy balabaqshamen qamtýdy 99 paıyzǵa jetkizýdi josparlap otyrmyz, 400 jańa balabaqsha ashylady», dedi A. Mamın.
Úkimet basshysynyń sózine súıensek, memlekettik-jekeshelik seriktestik aıasynda 180 mektep salý josparlanǵan. Ulttyq biryńǵaı testileý tolyǵymen elektrondy formatqa kóshiriledi.