iKOMEK109 biryńǵaı baılanys ortalyǵynyń aıasynda narkologııalyq kómek máseleleri boıynsha senim telefony iske qosyldy, dep habarlaıdy Egemen.kz qala ákimdiginiń resmı saıtyna silteme jasap.
Nur-Sultan qalasynyń turǵyndary úshin narkologııalyq kómek mamandandyrylǵan qalalyq psıhıkalyq densaýlyq ortalyǵy tarapynan tegin medısınalyq kómek aıasynda usynylady.
Ortalyq qyzmeti psıhoaktıvti zattarǵa, ıaǵnı esirtki sekildi dárilik zattarǵa táýeldilikten zardap shegetinderdi emdeýge, ońaltýǵa, olarǵa konsýltasııa berýge baǵyttalǵan.
Búginnen bastap iKOMEK109 biryńǵaı baılanys ortalyǵy Nur-Sultan qalasynyń turǵyndaryna narkologııalyq kómek máseleleri boıynsha táýlik boıy 1-0-9 qysqa nómiri arqyly konsýltasııa beredi. Mobıldi jáne qalalyq telefondardan habarlasý tegin.
Narkologııalyq táýeldilikke qatysty barlyq qońyraýlar men ótinishter jasyryn rejımde óńdeletinin aıta ketken jón.
Nashaqorlyq, maskúnemdik, qumar oıyndarǵa táýeldilik – bul tek bir ǵana emdelýshiniń basyndaǵy ǵana emes, onyń búkil otbasynyń túıtkildi problemasy. Sebebi táýeldilikten zardap shegetinder tek ózin emes, aınalasyndaǵynyń bárine qıyndyq keltiredi.
Jaqynyńyz psıhoaktıvti zattarǵa táýeldi ekenin baıqasańyz, iKOMEK biryńǵaı baılanys ortalyǵyna 1-0-9 nómiri arqyly nemese tómendegi balama quraldar arqyly júginýdi suraımyz:
- ákimdiktiń resmı saıty astana.gov.kz;- iKOMEK109 mobıldi qosymshasy (PlayMarket/AppStore);- Telegram chat-boty (t.me/nursultanikomek109_bot);- Smart Astana mobıldi qosymshasy (PlayMarket/AppStore);- aitu.city portaly.