Kásibı tennısshiler qaýymdastyǵy ATR chempıondyq jarysynyń 25 qańtarǵa arnalǵan reıtıngin jarııalady dep habarlaıdy Egemen.kz Olympic.kz saıtyna silteme jasap.
Jańarǵan reıtıng boıynsha qazaqstandyq Aleksandr Býblık úshinshi satyǵa kóterildi. Aıta ketelik, Býblık qańtar aıynda Túrkııanyń Antalııa qalasynda ótken ATR 250 sanatyndaǵy týrnırdiń fınalyna joldama alǵan edi.
Alaıda, tennısshi jaraqatyna baılanysty fınaldan bas tartyp, týrnırdi ekinshi orynmen aıaqtady. Osyǵan oraı, búgin jarııalanǵan ATR chempıondyq jarysynyń reıtınginde Býblık úzdik úshtikke endi.
Birinshi oryndy avstralııalyq Aleks de Mınor men polshalyq Hýrkach ıelengen. Eki sportshyda da 250 upaıdan bar. Úshinshi oryndy 150 upaı jınaǵan qazaqstandyq Aleksandr Býblık pen amerıkalyq Sebastıan Korda ózara bólisken.
Aıta ketelik, Aleksandr Býblık ATR reıtıngindi 45-shi orynda keledi.