Bul týraly Memleket basshysy Qasym-Jomart Toqaev Úkimettiń keńeıtilgen otyrysynda aıtty, - dep habarlaıdy Egemen.kz
«Biz Jumyspen qamtýdyń jol kartasyn qabyldap, oǵan 1 trıllıon teńge bóldik. Bul qarjynyń 98,2 paıyzy ıgerildi. Baǵdarlama halyqty eńbekpen qamtyp, iskerlik belsendilikti qoldaý úshin mańyzdy ról atqardy. Alaıda ondaǵan jáne júzdegen myń jumys orny ashylǵany týraly aqparatty teksergende, ol zeınetaqy jáne salyq tólemderimen sáıkes kele bermeıdi. Azamattardy qaǵaz júzinde ǵana jumysqa ornalastyrý beleń alyp otyr», dedi Prezıdent.
Sondaı-aq Memleket basshysy osyndaı jaǵdaılar jıi kezdesetin óńirlerdi atady.
«Dál osyndaı 15 myń jaǵdaı tirkelgen. Jumysqa ornalasty degen adamdardyń úshten biri zeınetaqy qoryna qarjy aýdarmaǵan bolyp shyqty. Mundaı jaǵdaı Túrkistan, Qyzylorda jáne Jambyl oblystarynda anyqtalyp otyr», dedi Prezıdent.